2015 曼谷細食4天遊
2015第一站，就係再去曼谷(只係等咗半年就已經再去，仲諗住睇吓8年後有無變架嗎)！不過呢次出發前病咗，食得唔多囉😒😒😒 機票: 今次買咗香港airline嘅平機票，2個人淨機票只係$1,276，不過税就要$1,266。。 去程 HX771 07:55-10:10 回程 HX766 20:20-23:50 酒店: 由於肥妹fd嘅推薦，今次揀咗住水門嘅The Berkeley Hotel，3晚價錢大約$1,700左右，包早餐！不過好多國內同胞都喺度住。。周圍都有好嘈嘅人聲。。食自助早餐出去拎完嘢食，張枱又會多咗啲垃圾。。明明bk咗車去機場又話無booking。。。。雖則話將貨就價啫，但下次都係唔會再住！ 行程: 同上次一樣，今次主要係以食為主。。。不過今次呢4日裡面都唔係食咗好多嘢咋，如果唔係唔舒服，一定可以勁食多次😤😤😤 ～～第一日～～ 出發啦 飛機餐 搭BTS去Chit Lom站，之後就去酒店啦~酒店喺正水門，梗係要去食水門雞飯啦！ 而晚餐就去咗 Mercury Ville 嘅 Savoey 食泰菜！ ～～第二日～～ 喺酒店食咗早餐後，路過Starbucks，大肥話喺香港好少會有位坐，所以要入去飲杯嘢喎~ 之後去咗Siam Square嘅 Center Point 做massage，做完就去食cake~ 再行去對面嘅Siam Centre 食返上次嗰個膽固醇飯。。。 天氣熱最好就係行商場~晚餐又係去上次去過嘅KingKong食燒肉同大頭蝦，不過今次去第二間分店，好抵食，仲有好多款式 ～～第三日～～ 今日去咗Terminal 21附近間 Health Land 再做massage，不過今次無上次做得咁舒服，個姐姐好似好趕收工咁。。。之後就去咗Terminal 21食晏，泰國啲嘢食真係可以好平。。。 夜晚就去咗唐人街食翅食燕窩~ 大肥知我唔舒服，仲叫咗碟銀鱈魚我食，不過好很貴，呢2舊都要過百銀港幣，下次唔再食！ ～～第四日～～ 午餐隨便喺附近嘅Central World食咋，因為我仲要去買肉鬆蝦片同紫菜呀！ 話咁快...