Morning~Angel Road!
今朝早早同尋晚一樣咁驚喜，咁好味😋
Check out嗰時仲有禮物，有素麵同明信片呢~
出發去第一站，土渕海峽！因為無電話號碼又無wifi，所以臨開車前開個map神俾大肥望一吓再跟住行啦，其實跟住大路行啫，大肥當然不負眾望啦！
其實一直都以為係一個島，原來係兩個島。。。
之後返去尋日個大商場等圈姨可以補貨
再出發去橄欖公園啦！雖然今日大陽唔猛，不過無落雨已經好好啦✌🏻️一路行有好多好多橄欖樹架！不過搵唔到心型橄欖葉。。
好天氣下嘅風車，同尋日真係好唔同呀！
要去小豆島最後一個景點~寒霞溪！好似開始放晴噃~
沿途九曲十三彎。。我坐到想嘔呀。。。。
行到半路先諗起，我好似無福田港個電話同地址。。。山頂又無wifi，點算？我淨係記得之前睇地圖，寒霞溪同碼頭好近咋。。無辦法下又搵 map神啦！見到轉上寒霞溪途中有條路可以去福田港嗰邊噃，等陣就追住呢候路行啦！
終於上到啦✌🏻️✌🏻
本來又打算去下四方指展望台，不過因為再去影風車所以無去到，其實喺呢度睇都幾好吖
大舖都未開
喺一無所知嘅情況下，為咗趕得切班船，我哋都係早啲落山啦！圈叔，下次先再一齊嚟搭纜車啦~
其實原來好快就到啦！因為去姫路無咁多船，所以之前已經喺網上訂咗飛，買飛前俾個電郵佢睇就得，原來網上訂飛有折㗎！
早咗成個鐘到呀，未上船當然又周圍影吓
隻船嚟啦！
呢隻船仲大仲舒服
買咗盒飯團同烏冬，個飯團好好味呢，個烏冬都唔差噃！
無去嗰程咁多車，不過有兩大架旅遊巴
船程100分鐘，大肥同圈叔係咁訓，圈姨同我係咁傾，其實又唔覺得好耐噃！
落船無耐就俾大肥見到間運動舖，一定要入去啦！真係好大間㗎。。
之後車遊姫路城，為咗唔好再發生大阪城事件，我今次唔堅持上去啦，所以都係遠遠影張相就好！
下一站神户三田outlet！
醫肚先！我要食蛋包飯😋
呢個outlet好大㗎！不過都係無乜啱買😓
去埋隔離間大Aeon Mall就起程去有馬溫泉lu，今晚住有馬豪景，間房係細咗少少，但好新淨呢~
放低行李又周圍行，本來想去玩具館，點知行錯路去咗有馬溫泉駅。。。
行返轉頭又經過有馬川
搵到先知閂咗門。。咁就去對面足湯唞吓啦
返到酒店又夠鐘食晚飯啦~餐廳叫川床之宴！
一泊兩食嘅住得多，但啲嘢食有咁精緻嘅真係好少。。。
諗住去大閤之湯影吓相。。。
突然大肥係咁叫我，仲以為乜事。。原來俾佢發現咗佢想玩好耐嘅。。。
難得圈叔圈姨又一齊呢~圈叔，啲魚仔好鐘意你噃😏
原來仲有間好大嘅賣店。。。
呢盒芝士撻好靚呢，一致決定。。買盒一齊食，好食嘅就做手信！
最後呢盒野無成為我哋嘅手信之一。。因為圈姨一路食，一路瞄住我哋對腳，話有陣臭腳味喎😖😖，不過其實件撻都幾乾，所以我都放棄佢。。
今個旅程最後一餐宵夜啦。。。要食多啲先得！個甜品係便利店買，唔好俾啲cream嚇親，其實杯布甸好好味㗎！
聽晚要返香港啦。。。唔想咁早訓😴😴
