2015 函館、富良野、船長之家9天自駕遊~Day 5(四季彩之丘＞阿斗夢之丘＞旭川彩繪稻田)

酒店包嘅早早有日式同西式可以揀，小虎咁崇日，當然揀日式啦！

食飽就去車站影吓相！今日好好天呀🤗

 

呢間就係尋晚住嘅酒店，好有自然簡約feel㗎

 

今日首先去Furano Marche買特產！

跟住就開始今日嘅賞花旅程~出發去美瑛嘅途中，虎哥竟然認得路去食密瓜雪糕。。會唔會太強呀？

 

好快就到四季彩之丘啦~

 

我哋仲租左架好似拖拉機咁嘅車嚟揸，唔駛行得咁攰嗎！有陽光真係唔同啲，感覺啲花都靚啲㗎！

 

 
 
 

 

之後就去阿斗夢之丘

 

啲花一樣咁靚呀！初時仲擔心今年嘅北海道六月仲落雪啲花會開得無咁靚，不過好彩都唔差呀！

 

 

要食晏啦！我同大肥去咗旭川拉麵村。。隔離間壽b舖，食咗好多碟呀！飽飽~

下一站係旭川彩繪稻田，每年都有唔同主題㗎，而呢個就係今年嘅

整得巧厲害呢

 

睇完稻田就返酒店抖陣，然後行去旭川駅行吓。經過前幾日嘅長征，今日終於輕鬆啲啦！而今日嘅輕鬆亦都係為明天嘅長征做準備😁

晚餐就去拉麵村隔離間牛角食燒肉放題~食到有啲擔心俾人black list添😅😅

 

今晚仲有好味cake仲宵夜~

 

2015 函館、富良野、船長之家9天自駕遊~Day 4(札幌北廣島Outlet ＞富田農場)

一起身望出去。。落雨呀😩😩希望快啲停啦！

食早餐！今次住Dormy就係為咗呢度嘅早餐，有好多網友都話好多嘢食，而事實係。。真係好豐富！

 

之後就去行街街~大肥一去到就已經要買雪糕啦！

行咗一陣

 

去運河影多張相

離開小樽去北廣島outlet啦！啲雨一路都無停過，又濕又涷，虎媽都要喺outlet買件外套先得呀！邊諗到7月嘅北海道會咁涷㗎！

行完outlet就要開始長征啦！原本喺google map度check過，由outlet去富田農場大約2個鐘頭，但GPS竟然話要3個鐘呀。。就算大肥以極速咁開車都追唔到嗰一個鐘返嚟😩

終於。。終於都到啦！好鐘意揸車嘅大肥都話揸完呢幾日車已經有恐懼。。大肥，接住仲有2次長征，你要加油呀！


呢度真係好大，好多花㗎！

   

   

嚟到富良野雖然停咗雨，但都仲係陰陰天，點知影影吓相突然出咗一陣太陽！真好~

   

   

   

行到好攰啦，隨便食咗個晚餐就返酒店休息lu

希望聽日有好天氣啦！