今日晏咗啲先出發，因為七夕祭預計十點先開始，朝早應該仲掛緊啲裝飾品呢！所以食飽早早，攤多陣先落街！真係仲預備緊呀！
不過都有好多掛起咗啦
好大個花球吖
成條商店街都有
呢個好靚㗎
仲有好多㗎。。。
其實仲想慢慢行，不過要趕路呢😓攞咗車就向水戶出發！剛入到福島就有個道之駅。。當然仲有好多桃啦🍑
桃味雪糕
又有牛串吖
仲有可麗餅
買多罐桃汁上車飲😋😋
原先打算第一日上松島前去福島摘桃㗎，後來虎哥又話唔好兜過去。。點知嚟到呢個道之駅見到咁多桃，佢又話要去摘桃喎😤😤咁就去網友介紹嘅あづま果樹園啦！
好有規模嘅果園，有專車接送去摘桃㗎！不過如果係冷氣巴會好啲😓
3分鐘都唔駛就到啦！好多桃吖😍😍
呢棵好密集呀。。
可以揀樹上摘。。。
或者就咁攞啲放喺度嘅食
等車返去lu，桃園梗係有賣場啦~呢啲應該靚過頭先俾我哋摘嗰啲🤔🤔
繼續出發，去大肥好想去嘅福島競馬場
話咁快就到，今次唔好運桔啦😂
離開福島，又搵個道之駅食飯啦
好多嘢食呀。。
大肥揀咗豚肉定食
小虎要刺身丼，好味呀😋😋😋
落咗高速，見到有巨峰園咪兜入去行吓。。啲巨峰好靚，不過一試。。。酸到痹吖😖😖唔好怪我哋無幫襯呀！
終於到水戶啦，今個旅程最後一祭~水戶黃門祭！本來打算今晚住犬吠崎嗰邊，後來諗吓，住水戶車程無咁遠之餘，仲可以順便追多個祭，所以就嚟咗呢度啦！比起之前嗰啲呢個絕對係小祭，不過每個祭都有特色，值得一追嘅☺️
乜咁似七夕祭嘅🤔🤔
無睡魔祭、竿燈祭咁熱鬧，不過一路都有好多人一齊行去會場㗎
唔知係唔啱時間，定係啲山車真係停係度呢🤔
行咗個圈就返酒店啦，今晚住大和魯內，酒店係正水戶駅隔離，好方便😁👍🏻仲好大間房添。。其實係因為要執行李，所以bk大間啲嘅😓
抖一陣就去搵食啦，不過。。先去車站附近超市買宵夜
買好哂就去食燒肉啦😋😋
隨便叫，唔好客氣
極品牛😍
全部都好好味吖😋
呢間係韓式燒肉，所以仲有石鍋拌飯
同埋水冷麵
飽飽又返去啦，不過又去車站行個圈先
攤多陣，就到今個旅程最後嘅宵夜時間啦😔😔
原來九日都可以過得好快。。聽日返香港啦😭
