Morning吖~一早起身，梗係要食早早啦🤤有好味嘅高野豆腐同蒟蒻
燒魚、薯角
飯、粥
玉子、青椒炒腸仔、仲有好可怕嘅納豆😱
蒸野菜
仲有火腿
食飽飽就落街行吓，順便搵葯房買支藥搽手臂😫今朝訓醒隻手痛到郁唔到吖😭😭尋晚落咗場雨，今日似乎有好天氣噃！
仲涼涼哋添
最後行咗個圈都買唔到藥。。。咁就返去先啦！補多個酒店日景先
出發去富士山前先行去對面河口湖睇吓嘢，好多人釣魚㗎。。。
睇咗陣仲有普通話旅行團。。我哋都係走先！之後就要去上次去唔到嘅富士山五合目，今次一定上得到去嘅😤💪🏻
好似就到啦
泊好車。。好大片雲海吖😱😱😱
五合目😭😭隔咗4年半，終於上到嚟
喺山腳見唔到，上到嚟就影到山頂啦！
有神社
仲有賣店。。
玩咗個幾鐘，又係時候出發啦~
好有速度感😂😂
好快就到下一個目的地，御殿場Outlet！
平日嘅outlet係少人啲嘅。。。
仲有outlet嘅重點！可麗餅😋😋😋~
見唔到富士山😔其實尋日開始都見唔到啦
淨係一間舖都玩咗個幾鐘。。大肥，你係咪想餓死我😤好彩你搵返間燒肉放題嚟醫我啫😋😋
咁抵食，梗係要加200円食好啲
仲有棉花糖吖！
包埋任飲，真係好抵㗎！
有得食啦🤤
飽飽又繼續趕路！不過。。先補返今次架車先😝
本來跟住個行程打算去大涌谷嘅，但係時間都唔早，就算趕到去都天黑啦，所以就直接返酒店啦！今晚住箱根~
我哋間房，入嚟參觀吓啦😆
有兩張床
今晚間房無浴室，不過有私家風呂吖😍
攤抖一陣，又到晚餐時間，今晚有呢啲~
前菜
刺身船
Shabu Shabu~~
另外加嘅金目鯛，本來加一條咋，酒店以為我加兩條。。。既然安排咗，咁就食埋佢啦😋😋
仲有魚柳天婦羅
呢個好似年糕嘅
甜品係梨雪芭
飽飽lu~出面黑麻麻無嘢行，影吓個門口啦，今晚住塔之澤一之湯新館！
浸一陣私家溫泉又係時間訓覺lu😴😴😴
