食早早😋比起更啱食嘅洋式，其實我更鐘意和式早餐！
漬物好味吖
蒟蒻又好味吖
豆腐都好好味😋😋其實只要係放得入口嘅，小虎都無乜會話難食嘅😓除咗。。。。納豆🤢🤢
好鐘意呢個碗吖！
食飽飽，最好當然又係去行多轉溫泉街！相比尋日下午嘅熱鬧，朝早真係好寧靜㗎😌
臨走時旅館仲送咗西瓜糖俾我哋吖😋
我哋架車就泊咗喺呢度，旅館會幫我哋車啲大行李出嚟，所以兩手fing fing 行過嚟就得！
出發返仙台啦！經過土產市場。。
好快就到宮城峽蒸溜所
好似好大噃😲
呢幾支係咪極品呢🤔🤔
好型噃
呢度都有七夕裝飾呀😍
下一站去仙台港outlet
順便食午飯，就揀呢間啦！
個漢堡扒好好味吖！國產牛真係唔同啲😋😋
仲有好好味嘅鱆魚丸！
食飽行夠，開始返酒店啦！
今晚住國分町嘅Smile Hotel！今次真係Smile Hotel，無錯㗎啦！
其實bk嗰時都知間房細，不過估唔到真係細得咁緊要呀。。同尋晚差好遠吖😫😫
揀呢間酒店嘅原因係因為落樓下已經有七夕祭嘅裝飾，所以如果唔係間房咁細，呢度真係好方便！
見到燈籠就諗起竿燈祭😓😓
沿住商店街一路行去仙台駅，又係有好多檔口賣嘢食㗎！因為七夕祭雖然聽日先開始，但今晚係七夕花火大會吖！當日猶豫咗好耐先決定放棄山形嘅花笠祭，改嚟仙台嘅花火大會㗎！
咁多嘢食賣，梗係忍唔住手啦😁😁呢個梨好甜好好味呢😋
行到仙台駅啦
旁邊商場都放咗七夕裝飾lu
仙台駅當然又係攤檔嘅重地啦！今次揀食牛
A5仙台牛！入口即溶呀🤤🤤
仙台駅都有好多裝飾吖
影多張就返去啦，約咗一齊食飯呢~！
本來嚟仙台係應該要食牛舌嘅，不過大肥唔食。。所以最後揀咗好普通嘅大阪王將😁😁呢間啱虎爸吖嗎！
食飽就向會場出發啦！一路行一路聽到聲，但睇極都睇唔到煙花。。。行到啲人霸哂位嘅地方以為睇到啦，點知都係唔見喎！原來啲雲太厚啦😫所以根本無得遠睇！
最後同大肥一齊行咗好遠。。行到去西公園附近先睇到啲咋！
放棄咗花笠祭而睇花火祭，點都要影多兩張😤😤
花火大會未完，不過都唔見得仲有幾多野睇😔😔所以走咗去行驚安，然後返酒店啦！頭先好似唔見有呢串嘅🤔
又宵夜啦！今個旅程食咗好多密瓜，但一直都搵唔到夕張嘅，今日終於喺outlet隔離個商場買到啦！真係好香㗎。。不過小虎唔啱食😓
咁就過咗八日啦。。
