小虎浪遊記

今日要返香港啦！朝早再去食多次好好味嘅麥當當 　 跟住就去東京駅行吓   行咗陣就返酒店攞行李啦~今日天氣都唔太好，所以大肥話買車飛直接喺新宿去機場喎。。。不過好貴呢。。。   差唔多上車啦。 bye bye Tokyo。。。。。。

大肥話好想再食多次築地嗰碗拉麵喎，所以今朝就再去築地啦！不過晏啲都去拉麵館，我就唔陪佢食啦，我食魚生飯好過~   又係玉子。。。 然後就係每次嚟東京都必去嘅雷門觀音寺！ 跟住就搭車去橫濱啦！喺新橫濱駅落車~ 行10分鐘左右，好快就到lu~   嚟到當然要食拉麵啦 鋪頭裡面嘅熊本熊~ 有得食 食飽就去賣店睇吓嘢，有好多款拉麵呀，仲有肉添。。。 走lu~下一站要去上野~順便喺上野食咗個牛舌晚餐~好味！！ 　 咁就最後一晚啦。。。

今日租咗車可以去遠啲~朝早先食個麥當當早餐 點解伸咗條脷出嚟 出發去Toyota攞車~其實今日想去多兩個outlet，不過去到佐野outlet之後行咗好耐，然後又見到Aeon Mall，咁又入咗去嗰間運動舖睇咗一輪，跟住再食個午餐。。。   咁就過咗好多時間。所以第二站就變咗去川越小江戶，途中仲買咗櫻花雪糕 到lu       好鐘意行呢啲古街，平日嚟又唔駛人迫人，不過就連鋪頭都無乜人開門。。。因為驚住返入市區會塞車，所以喺度遊咗一陣就出發去入間outlet，極速行完就返去還車啦，今日辛苦哂啦~ 晚餐去咗豚王食拉麵。。。我覺得香港嗰間好味啲囉！

喺酒店附近搵間cafe食個早餐。 然後再去藏前駅，今次一出車站行咗無耐就聽到啲聲，似乎無行錯方向喎！咁啱係小路度見到郵差叔叔，問咗佢鳥越神社喺邊，佢指咗我哋出大路就見到啦~     其實感覺似係一個小型嘅祭典，不過都算開吓眼界。日本好多祭典架，但係我就一次都未睇過，今次可以身感受一吓都幾好。有祭典即係代表有小食街。。。     有兩架車停咗喺路邊呢~   同場加映~繡球花！ 　 睇完就出發去今個旅程重點--東京競馬場~   安田記念   有好多隻馬出賽呢~ 仲有好多人。。。 香港都派咗精彩日子去跑架~得一隻海外馬參賽咋   差唔多開跑啦！         康太都有團嚟睇 跑啦！！！不過精彩日子輸咗。。。 　 咁就跑完啦。。。我哋都要返新宿食飯啦~今晚去歌舞伎町牧場打邊邊！