2014 東京競馬5天自由行~Day 1(成田空港 ＞築地市場＞藤子不二雄博物館＞新宿)

出發啦~之前劃得位嗰時嫌要坐廁所前面所以唔劃住，之後又嫌要坐4個位嘅中間2個又唔劃住，最後就full到無得同大肥坐。。。下次要醒目，係唔係都劃咗先啦！(其實諗返轉頭，又唔係唔可以改，點解嗰時唔劃咗先呢？)

好快就落機啦~我哋今次買左N'ex嘅車飛由機場直接去新宿，方便又舒服。不過車程就有啲耐。。

返到酒店放低行李，然後就去Lawson買定飛去藤子·F·不二雄博物館，又會咁好彩，竟然買到今日嘅入場飛，平時好少買到即日嘅飛㗎！

下午先入場~先去築地食大肥情迷嘅拉麵

然後再食玉子

跟住去迪迪尼。。。出面，睇吓有無好嘢賣啦，點知見到人哋買咗嗰個肥pooh要入場先買到😩無收穫就走啦，然後陪大肥去幕張outlet，好彩有人陪我無收穫啫😁😁

行夠就出發去登户駅，因為要轉車去藤子不二雄博物館搵安仔！

等咗成半個鐘，終於到我哋啦

 

血拼時間！6月15號就係安仔生日，所以有好多新嘢呢
 

之後就去藏前駅探路，搵吓聽日鳥越祭會係邊度搞

搵咗一輪都未搵到。。又夜又餓，都係返新宿食飯先！今晚食炭火燒肉
 

凌晨機後遺症就係會好眼訓，所以食飽飽就返酒店啦！