2014 曼谷勁食4天遊

- 9月 30, 2014

2014最後一次出埠，就係去8年都無去過嘅曼谷。因為大肥話佢好耐無去過，又話帶我住靚酒店喎~既然咁盛意拳拳，就決定出發啦~

機票+酒店:
喺康太度買咗套4日3夜嘅Package，搭泰航來回，住曼谷半島酒店，價錢全包二人$8,846！

去程　TG603　07:45-09:25
回程　TG606　16:00-19:45

間酒店真係好靚，房又大，服務又好。。國際品牌真係唔同啲~

行程:
今次旅程以食為主，無乜特別影相，反而嘢食就影得多(食得多嗎)，所以只係記低食過啲咩，睇吓如果8年後再去時會唔會仲可以食得返~

～～第一日～～

好緊張呢~其實我對泰國已經無乜印象啦，淨係記得8年前跟虎哥自遊行，行到喊咋。。。

飛機餐

好快就到埗lu

搭住BTS去Saphan Taksin站，然後搭酒店專船橫渡昭拍耶河就去到酒店啦~

酒店真係好正呀！又大又舒服~

第一站出發去Siam，先喺Siam Paragon食個薄餅~

再去Siam Centre，今次喺Food Court食咗砌滿膽固醇嘅飯。。。有豬腸，豬手，雞蛋。。。

今晚book咗去Center Point 做massage，所以就喺附近搵食，之前係泰友營見到介紹食燒肉同大頭蝦嘅King Kong喺附近有分店，咁就去試吓啦~

～～第二日～～

酒店包咗自助早餐，仲好豐富添~，食飽飽就出動啦！！今朝先去翟道翟行街。。。好很熱呀！得咗陣已經頂唔住。。。之後去唐人街食晏

而今晚就去咗Asiatique夜市，因為酒店每日都有一班船來回呢度，所以唔駛迫接駁船呢~我好鐘意呢間酒店呀！！

～～第三日～～

今日book去Terminal 21附近嘅Health Land做massage，所以先去Terminal 21行陣

然後係food court食咗個芒果糯米飯

跟住再去食平扒！

然後就去做massage啦，間嘢係大肥同事介紹架，真係做得好舒服呢~做完就去 Central World 嘅Nara Thai食晚餐，之前睇過唔知邊度介紹，話好好食架~

輪到我哋lu，叫咗好多嘢食~

啲嘢真係幾好味，但我唔會再去囉！！因為我地張枱係貼住牆架，然後到食飽時大肥做咗件事。。。佢喺幅牆度用紙巾捽死咗隻小強囉！！！平生最怕強哥嘅小虎以為有大肥喺度做瓜咗呢隻強哥就無事，點知。。。好快又見到第二隻出現！！所以我一定唔會再去呢間嘢度食飯！

～～第四日～～

朝早喺附近行吓，然後就返酒店搭車去機場，酒店啲職員仲幫我哋搵架跟錶收錢嘅的士。搵咗幾架先搵到呀！

見到佢哋問啲的士司機，突然間8年前嘅事就浮現咗。。嗰時同虎媽喺Siam Paragon門口搭的士，上車前仲同個司機講好咗跟錶收錢，點知行到路中心停紅綠燈嗰時佢竟然反口，我同虎媽最憎就係俾人屈，所以即刻落車截過第二架的士！可能就係咁。。所以一路都無興趣再嚟泰國！

到機場梗係要再食啲嘢先上機啦！