2015 函館、富良野、船長之家9天自駕遊~Day 2(登別地獄谷＞函館競馬場＞函館山夜景)

食飽早餐就去登別地獄谷，由酒店行過去好近咋，10分鐘左右就到lu，今日有好天氣，萬里無雲🤗

途經泉源公園
 

好快就行到地獄谷啦！
 

喺呢度留咗唔係好耐就要走啦，因為由登別去下一站嘅函館競馬場要3個幾鐘車程呢！

點解連道之駅嘅風景都可以靚到咁。。。

仲要有燒牛舌添

八雲嘅道之駅，可以望到噴火灣。。

終於到啦！辛苦哂大肥~

先去睇吓今場有邊啲馬落場先

差唔多開跑啦！原來有好多人入咗場㗎！

話咁快就跑完lu

之後當然要去食晏啦，今日食丸龜製麵！

跟住返酒店放低啲行李，再喺附近商場買定今晚嘅宵夜，就事不宜遲出發去搭纜車上函館山睇夜景啦！

越上越高，開始見到平時喺旅遊書度見到嗰個樣啦

上到啦，仲可以睇到日落

雖然有好多人，但日本人真係好禮讓，佢哋一影完相就會讓個位出嚟俾其他人，唔會死霸爛霸咁！

差唔多啦，不過應該仲有好多人未返屋企開燈🤔

係時候食晚飯啦！去咗下午食丸龜嗰時見到嘅呢間餐廳

漢堡扒同蘋果批~好味😋

返酒店時見到間Hotto Motto，即刻入去買多2份漢堡扒做宵夜！今晚嘅宵夜好豐富呢！