小虎浪遊記

今朝無去老麥啦，轉咗去松屋食早早~   呢幾日真係行得太攰，所以大肥都好貼心咁話唔好去上野轉車，直接由池袋搭車去機場😍之前已經買定11點入機場嘅車飛，因為會喺機場放低啲行李然後再去酒酒井outlet，所以就早啲出發啦~ 寄存咗啲行李就去買車飛，然後就喺30號站等上車 喺outlet食埋午餐就返機場攞返啲行李然後check in啦 要走啦，bye bye tokyo~ 飛機餐。。唔係好啱食。。。 攞埋行李就完成今次快閃之旅啦！期待下一個旅程~立山黑部！

自由行真係好攰，訓醒都好似無訓過咁。。。去老麥食個早餐補充吓先！ 跟住搭車去九段下，一上月台就有指示靖國神社嘅出口！呢個地方聽就聽得多，今次都係第一次嚟！ 出咗車站向前行就到啦~一路行入去都好寧靜。。最鐘意呢個感覺！ 之後去東京鐵塔，不過我哋無上去，只喺補返第一次嚟無影過嘅日景相就走lu~   然後就去月島食午餐！ 文字燒就聽得多，但真係未食過，原來同大阪燒廣島燒嗰啲好似！   呢個就係整好咗個樣，有點似嘔吐物😓好彩個店員幫我哋整，如果唔係我一定等到佢煎乾哂，到時可能唔食得啦！ 味道唔錯嘅，不過我覺得大阪燒好食啲。。一個文字燒當然唔夠喉，所以一去到睛空塔第一時間就係搵食，今次就食咗炆牛筋，包包同大煎餃！ 係商場行咗圈就出去影相。。唔。。點影都影唔到塔尖嘅。。 都係去淺草嗰邊影過嚟啦，不過要先去雷門觀音寺！ 人頭湧湧呢 。。 跟住就行去影晴空塔~呢度影好好多！ 已經攰到行唔郁啦😩😩返酒店抖吓先，然後再出動去食晚餐，今晚嘅目標就係去新宿嘅 歌舞伎町牧場 打爐！出奇地唔駛等位，真係未試過！ 食飽飽就要趕去買宵夜，今晚有雪糕，生果同刺身😋😋 最後一晚啦，執好行李預備聽日返香港😔

今朝起身開電視睇天氣報告，吓。。落雪。。。尋日都幾好天氣㗎，完全無諗過會落雪囉！ 離開酒店開始新一日行程！唔係嗎。。真係落完雪，地下已經鋪滿哂雪。。再加上落緊雨。點算？行平路都會仆親嘅小虎，如果行雪地好易撻低㗎。   原本3分鐘行去車站嘅路程，最後行咗成10分鐘先到😓第一時間去老麥食個早餐先！ 日本老麥真係好食好多好多。。飽飽就出發第一站-- 藤子.F.不 二 雄博物館 ！ 尋晚應該都幾大雪，連個站都積咗層雪呢！ 由池袋去新宿轉去登户再轉shuttle都要嚟呢度就係為咗見下大肥個兄弟。。 同埋食嘢。。不過都係見無乜人先食，可能落雪啦，又可能已經開咗幾年，所以少咗人。仲記得第一次嚟等咗個幾鐘先有位呀！   真係落過好大雪，我都唔敢行出去。。。 出發去中野，終於停雨啦👏🏻👏🏻而大肥亦都終於喺中野百老匯有收穫lu，行過商店街見到有間博多風龍，未食過噃，又去試吓先😋 之後去原宿。。。嘅Line Store~     好大個熊大呀！！！ 無收穫就走啦。。而個天都終於放晴！ 搭車去涉谷，為嘅就係去2層高、專賣運動用品嘅 Gallery ！大肥收穫仲好豐富添，係呀，啱就要買啦，outlet嗰啲無你碼㗎！😁😁😁 今日最後一個行程就係去汐留Caretta睇燈飾，真係好靚㗎！ 返去池袋食晚飯，今晚食燒肉~   行返酒店前，仲去咗生鮮食品部買盒特價魚生做宵夜添~ 行到傻嘅一天，聽日繼續！