2016 東京快閃5天自由行~Day 3(藤子不二雄博物館＞中野＞原宿＞涉谷＞汐留)

今朝起身開電視睇天氣報告，吓。。落雪。。。尋日都幾好天氣㗎，完全無諗過會落雪囉！

離開酒店開始新一日行程！唔係嗎。。真係落完雪，地下已經鋪滿哂雪。。再加上落緊雨。點算？行平路都會仆親嘅小虎，如果行雪地好易撻低㗎。
 

原本3分鐘行去車站嘅路程，最後行咗成10分鐘先到😓第一時間去老麥食個早餐先！

日本老麥真係好食好多好多。。飽飽就出發第一站--藤子.F.不二雄博物館！

尋晚應該都幾大雪，連個站都積咗層雪呢！

由池袋去新宿轉去登户再轉shuttle都要嚟呢度就係為咗見下大肥個兄弟。。

同埋食嘢。。不過都係見無乜人先食，可能落雪啦，又可能已經開咗幾年，所以少咗人。仲記得第一次嚟等咗個幾鐘先有位呀！
 

真係落過好大雪，我都唔敢行出去。。。

出發去中野，終於停雨啦👏🏻👏🏻而大肥亦都終於喺中野百老匯有收穫lu，行過商店街見到有間博多風龍，未食過噃，又去試吓先😋

之後去原宿。。。嘅Line Store~
 
 

好大個熊大呀！！！

無收穫就走啦。。而個天都終於放晴！

搭車去涉谷，為嘅就係去2層高、專賣運動用品嘅Gallery！大肥收穫仲好豐富添，係呀，啱就要買啦，outlet嗰啲無你碼㗎！😁😁😁

今日最後一個行程就係去汐留Caretta睇燈飾，真係好靚㗎！

返去池袋食晚飯，今晚食燒肉~
 

行返酒店前，仲去咗生鮮食品部買盒特價魚生做宵夜添~

行到傻嘅一天，聽日繼續！