小虎浪遊記

～～第三日～～ 一早起身，嘆返個早早之後就開始新一日嘅行程啦！呢架篤篤每日都車我哋去BTS站架😃 今日行程好簡單咋，第一站先去Terminal 21行吓，然後去food court食少少嘢。。。 點解食少少？因為之後要去massage吖😝😝今次揀咗呢間！   雖然今次係第一次嚟。。但都會係最後一次。。。無他嘅，最大原因莫過於唔就腳！所以都係無下次啦😑😑不過佢啲package幾抵就真嘅。。 按完仲有個幾好味嘅甜品添😋😋 之後去下一站，就係要嚟呢度買好出名嘅芒果糯米飯   仲有試吓附近好出名嘅炒粿條   之前睇旅遊節目有介紹過㗎。。不過就唔多啱小虎嘅口味😓😓 反而街口嘅串燒檔有驚喜😋😋真係好好味㗎   突然覺得可以同肥妹fd嚟旅行真係好幸福呀☺️☺️因爲大肥嘅玻璃肚，所以小虎幾乎未食過街邊檔。。今次先發覺原來錯失咗好多好嘢呀😫😫 跟住返返去Siam行咗陣，然後喺food court買啲嘢食再順便解決埋個芒果糯米飯😋😋 之後去Central World行吓，竟然發現到一間小虎好鐘意，大肥好抗拒嘅好嘢😍😍 無錯！小虎真係好鐘意行馬莎，而大肥因爲陪行陪到驚，所以就變到好抗拒啦🤣不過好彩今次有肥妹fd，咁就可以好好咁行啦✌🏻✌🏻！ 無收穫就走lu。。去水門買晚餐返酒店食😂😂宅女s嗎，都係鐘意自成一角嘅😏今晚晚餐有呢啲 又一日啦，今日好似挑戰緊大胃王嘅極限咁😂😂不過聽日都會繼續㗎😃😃 ～～第四日～～ 嘆完早早又出發，今日行程先去水門買芒果，預備聽日帶返香港！之後又係爽歪歪時間，今次揀咗同大肥encore再encore嘅Center Point！ 由同大肥第一次嚟就開始幫襯，難得嘅係個水準一直都keep得住！所以下次都一定要再嚟😃不過下次可能都係同肥妹嚟啦，可以食多啲好嘢嗎😂😂 按完當然又要醫肚啦！樓下就有嘢食，不過都係揀返第一次同大肥嚟嘅呢間😋😋 21號枱 今次叫咗炸蝦餅 好好味嘅闊麵😋😋 炸磨菇 上次嚟錯過咗嘅泰奶冰沙 仲有好多款蛋糕吖🍰🍰🍰不過飽到食唔落😞 一場嚟到，當然要探吓熊大bb😍😍 跟住再去...

拖咗4個月，終於的起心肝好好咁寫返同肥妹fd難得嘅曼谷trip😂仲記得上三次同大肥去曼谷都病住去，所以今次臨出發前都驚衰開有條路㗎。。不過好彩，今次總算打破慣例，可以好好地出發啦😝😝 一心諗住早48小時前劃位要劃前啲，咁就可以快啲出機場返酒店啦，點知一login。。。 😱😱block哂！無法啦，唯有到時行快2步啦😫 ～～第一日～～ 終於出發啦！ A380真係大得好誇張😱不過因爲載客量太大，所以等嘅時間多過平時。。。排隊上機等一輪，上到機又等一輪先上哂人。。。。   起埗啦。。 好耐未試過食飛機餐前有餐牌睇😂😂 有飯有麵！當然揀麵啦😜舊雞勁大件，不過可惜嚡咗啲，但味道都算唔錯噃😋😋 好快就落機啦，即刻一支箭咁標去入境！點知事與願違。。排嗰行隊排咗成大半個鐘😫😫個關員認真到隔離過四五個人佢都未放一個😡激死！最後玩咗好耐先返到酒店，完成第一日嘅行程😂 ～～第二日～～ 一覺醒來。。當然係早早時間😋今日食咗呢啲~   仲有好好味嘅湯粉 其他個早早都有好多嘢食㗎！有好多生果 Smoothie 同果汁   乳酪、粟米片   沙律、芝士、窩夫   仲有好多熱盤       奄列、麵包   蒸燒賣 仲有車仔檔湯粉😋😋 今日第一站就係去翟道翟~搭BTS啦 一場嚟到，當然要食好好味嘅薄餅啦   平時同大肥嚟只會行個圈就走，今次同肥妹嚟竟然行咗四個鐘😂😂仲大豐收添吖💪🏻行夠啦，返去酒店食啲嘢休息吓先！最緊要係放低啲戰利品😂落咗BTS就入商場，去呢間買tea啦！ 返到酒店已經執好房啦，介紹返先！有2張大床 仲有個幾好用嘅浴室廁所！ 間房唔錯㗎，不過下次未必會再揀啦，因為個地點實在太唔方便，尤其是由水門返嚟嘅時候。。。 攤抖到咁上下，又出動去食飯，今個trip第一餐晚餐就揀咗King Kong😋😋！！ 年幾無嚟，多咗好多嘢食噃！       密密燒   仲有主打嘅大頭蝦🦐 食飽飽路過BigC行個圈，...