2017 曼谷5天自由行~行程篇 (Part 2)

～～第三日～～
一早起身，嘆返個早早之後就開始新一日嘅行程啦！呢架篤篤每日都車我哋去BTS站架😃

今日行程好簡單咋，第一站先去Terminal 21行吓，然後去food court食少少嘢。。。

點解食少少？因為之後要去massage吖😝😝今次揀咗呢間！

 

雖然今次係第一次嚟。。但都會係最後一次。。。無他嘅，最大原因莫過於唔就腳！所以都係無下次啦😑😑不過佢啲package幾抵就真嘅。。


按完仲有個幾好味嘅甜品添😋😋


之後去下一站，就係要嚟呢度買好出名嘅芒果糯米飯

 

仲有試吓附近好出名嘅炒粿條

 

之前睇旅遊節目有介紹過㗎。。不過就唔多啱小虎嘅口味😓😓


反而街口嘅串燒檔有驚喜😋😋真係好好味㗎

 

突然覺得可以同肥妹fd嚟旅行真係好幸福呀☺️☺️因爲大肥嘅玻璃肚，所以小虎幾乎未食過街邊檔。。今次先發覺原來錯失咗好多好嘢呀😫😫

跟住返返去Siam行咗陣，然後喺food court買啲嘢食再順便解決埋個芒果糯米飯😋😋


之後去Central World行吓，竟然發現到一間小虎好鐘意，大肥好抗拒嘅好嘢😍😍


無錯！小虎真係好鐘意行馬莎，而大肥因爲陪行陪到驚，所以就變到好抗拒啦🤣不過好彩今次有肥妹fd，咁就可以好好咁行啦✌🏻✌🏻！

無收穫就走lu。。去水門買晚餐返酒店食😂😂宅女s嗎，都係鐘意自成一角嘅😏今晚晚餐有呢啲


又一日啦，今日好似挑戰緊大胃王嘅極限咁😂😂不過聽日都會繼續㗎😃😃


～～第四日～～
嘆完早早又出發，今日行程先去水門買芒果，預備聽日帶返香港！之後又係爽歪歪時間，今次揀咗同大肥encore再encore嘅Center Point！

由同大肥第一次嚟就開始幫襯，難得嘅係個水準一直都keep得住！所以下次都一定要再嚟😃不過下次可能都係同肥妹嚟啦，可以食多啲好嘢嗎😂😂

按完當然又要醫肚啦！樓下就有嘢食，不過都係揀返第一次同大肥嚟嘅呢間😋😋


21號枱


今次叫咗炸蝦餅


好好味嘅闊麵😋😋


炸磨菇


上次嚟錯過咗嘅泰奶冰沙


仲有好多款蛋糕吖🍰🍰🍰不過飽到食唔落😞


一場嚟到，當然要探吓熊大bb😍😍


跟住再去水門買晚餐！有椰青波波賣吖，買埋佢先😋😋


又開餐啦！


呢個椰青。。飲咗半個都無就放棄咗啦😑😑唔知係咪因為返到酒店先飲，買得太耐。。好大陣酸味吖😖😖


最後一晚啦，聽日一早就出發去機場，今晚要努力執嘢啦💪🏻💪🏻


～～第五日～～
今日好早機呀，所以食咗早早之後返上房補眠一吓就要出機場啦😞😞去到機場退埋税，再最後衝剌一輪之後就到閘口啦😫

起飛啦🛫


今日飛機餐有魚有咖喱雞，小虎唔食咖喱嘅，當然要魚啦！而呢份就係最後一份魚啦😋😋肥妹無得揀添😓


就快返到啦


返到香港啦


攞行李😞例牌delay。。。


今次快閃曼谷玩得好開心吖！好難得可以同肥妹一齊旅行，晚晚可以開心事台😂😂下次都要一齊旅行呀😊返到香港仲有大肥接機吖😊大肥，有你真好😘