2018 稚內、知床、十勝川溫泉11天自駕遊~Day 1
自從上年同肥妹fd去完泰國後都無去過旅行呀。。隔咗八個月，終於再飛啦✈️✈️今次嘅重點行程係要去日本最北嘅車站，去知床睇吓有無熊出沒🐻🐻當然仲有去大肥最鐘意嘅馬場啦~今個旅程仲8人行添吖。。
出發啦😆
今次揀咗HK航空直航札幌，星期四出發，2人盛惠8,300大元！貴過大韓轉機少少啦。
飛機餐🍱無期望就唔會失望😂其實都係唔太差啦，反正放得入口嘅都無乜嘢會難食！
差唔多到啦😃😃
因為今晚住夕張，所以落機第一時間走去櫃檯登記，希望快啲去到Toyota攞車。而今次又快得好緊要噃，一落接駁車行到入舖就叫我哋啦😄事不宜遲，辦好手續就即刻出發！架車行咗4萬8公里，都算新吧？
第一站係夕張市特產品直売場！其實即係個好大嘅道之駅😂😂
小虎vs大蜜瓜🍈🍈
今晚住夕張修保羅飯店，兩張床，仲開到兩個大喼，空間都ok啦。。不過要千六蚊一晚就略嫌貴咗啲😑😑但又估唔到國語團都嚟呢度住噃。。夕張除咗蜜瓜，乜有嘢買咩？🤔🤔🤔
開餐啦😋😋晚餐係大家至愛嘅自助餐~先有長腳蟹、甜蝦同唔知乜魚刺身！雖然啲甜蝦細隻咗啲，但真係好甜㗎😋
仲有呢啲！款式唔太多，不過當然唔止咁少啦，只係掛住食無影哂啫😓
住夕張嘅其中一個原因係因為呢度距離機場大約一個鐘多啲嘅車程，嚟到都唔會太夜，而又可以縮短啲聽日去名寄嘅車程！而第二個原因就係為咗佢。。。。夕張蜜瓜！酒店會喺6至8月(好似係)無限量提供夕張蜜瓜，啱哂虎氏一家😏😏
食飽飯，啲雨終於開始停啦。。。由落機已經開始落，嚟到夕張都未停過😔依家停咗，最好當然係出去影相😃今晚就係住呢度~
影夠抖夠，浸完溫泉就到宵夜時間，今晚宵夜好簡單咋，淨係得佢哋😑😑
咁就第一日啦，唔係凌晨機，時間真係好唔見駛☹️
留言
發佈留言