2018 稚內、知床、十勝川溫泉11天自駕遊~Day 4
一早起身當然又係食早早嘅時候，不過好多人食早餐，要等位吖😩好彩唔係等好耐啫。。。太多人嘅關係，都唔係幾好意思周圍影，不過呢個燒賣真係好好味，所以點都要影低佢！
我嘅早早~其實都係大路嘢，不過又係樣樣都好好味😋😋
飽飽就出發lu！第一站當然係隔離嘅防波堤~撇甩咗舊烏雲2日，今日卒之俾佢追到。。。啲雨又落唔停啦☹️☹️
好長嘅防波堤
稚泊航路記念碑。。
行上防波堤睇吓先
一望無際。。。
繼續出發！點解零舍有個風車喺度🤔🤔
好快就到第二站~野寒布岬！
但點解好似怪怪咁，明明之前睇書無呢碌嘢㗎🤔🤔上網一睇，原來搞錯咗啲嘢😂原來嗰碌只係隔離流冰館嘅建築。。野寒布岬喺後面先真😅😅行入去惠山泊漁港公園。。
見到呢條海豚🐬
呢度先係野寒布岬😂😂😂
跟住就要去宗谷岬啦！行返回頭路，可以影哂成個防波堤
繼續直行
再直行。。。點解無乜車去宗谷岬嘅
到啦😃
日本最北端
成日睇人哋嚟打卡，今次終於到我啦😄😄😄
最北觀光店~
最北食堂
最北自動販賣機
仲有最北油站！
一場嚟到，雖然尋日先入過油，不過都幫襯吓啦😝😝入完油仲有証明書同紀念品！
之後繼續沿住海邊行
就會去到下一個目的地，猿拂村嘅道之駅！
就係呢度啦
之前睇 “北海道海之幸” 就係介紹呢度，專食帆立貝嘅餐廳！除咗帆立貝，當然仲有其他嘢食啦~
呢份係小虎嘅~
大肥就食焗咖哩帆立貝飯
虎哥食無焗嘅咖哩帆立貝飯
再叫咗2份帆立貝春卷一齊食😋😋
食飽就向枝幸出發
呢個鹿出沒注意路牌真係好精緻
跟住就去到枝幸町特產品直売所
聖誕樹🎄😝
上去展望台先~無人嘅。。。不過又係呀，啲雨越落越大，上到嚟都睇唔到乜🙈🙈
再行多個零鐘左右就到咗紋別啦！虎哥話要食燒海鮮吖😋😋先嚟呢度買。。
再上呢度燒。。。不過其實直接上嚟呢度都有嘢賣，下次記得睇清楚先😑😑
間舖收4點，我哋3點3先嚟到。。當然全場任我哋坐😅😅
呢度真係有好多嘢揀，而且價錢仲平過樓下直売店☹️
有得食😋😋蝦同蟹腳都係喺直売店買嘅
扇貝就直接喺餐廳買
下午茶啦~
食飽就出發去紋別地標~大蟹鉗！
遊完就返酒店lu~今晚住紋別王子飯店！其實今晚原本想再戰船長之家㗎，不過呢幾日都無房，後來諗住book佐呂間湖嘅鶴雅，點知又係無房，一問之下先知原來呢幾日佐呂閒湖有馬拉松。。。唔怪得之啦！就連紋別今晚都要官網先有得book呀🙈🙈
Check in嗰時話安排咗海景房。。真係望到啲吖！
放低行李再出動，要去附近嘅Aeon！偶遇可麗餅，當然要會一會佢😋😋
原始糖。。。我肯肯定唔會買🙈
今晚有呢啲嘢食~
好大堆頭吖😃😃
就係呢個釜飯，除咗好多蟹肉，仲有帆立貝吖😋
配菜有呢啲
茶碗蒸
仲有甜品。。個雪糕好濃牛奶味，正👍🏻👍🏻
本來頭先返到酒店攤攤吓，想同大肥出去行汽車用品店，原本以為仲有成個鐘可以行，點知忘記咗有時差。。好彩虎哥提一提先無衝咗出去🙈🙈既然係咁，聽日喺網走就臨時加插一間汽車用品店俾大肥血拼啦😆😆😆
留言
發佈留言