一早起身就拉開窗簾睇天氣。。。終於開始放睛啦😄😄
7點半凖時去食早餐😋好多例牌嘢，不過影嘅角度好難就😓影到野食又未必影到個牌。。我嘅影相技術真係失禮哂😓😓😓
早餐最驚喜係呢味，秋葵加魚生碎，送飯一流👍🏻
其次係明太子，又係送飯一流👍🏻👍🏻今個旅程食咗平時喺香港一個月嘅飯量😂😂
第一站先去酒店附近嘅夕張站~留個倩影就再出發啦！
之後途經一個好似叫夕張岳展望台嘅地方。。其實係俾水中嘅樹林吸引而落車影相
嚟到呢度，終於記得同戰友影返張相😂今次經EGL租返同上次追祭一樣嘅Hiace 10座van，不過呢架似乎豪華過上次嗰架少少🤔🤔🤔租10日，12,600蚊。
繼續出發下一站~富田農場！
上次7月初黎都未開齊，今次6月尾。。當然都無乜嘢睇啦🙈🙈
薰衣草就紫紫地啦
其他都睇得吓噃
最盛開應該係呢度😃
有富良野蜜瓜吖！尋日唔知隊咗幾多件夕張蜜瓜嘅大肥見到已經投降😂😂
既然係咁就食雪糕啦😋😋
大蜜瓜~
下一站原本計劃咗去青池㗎，不過咁嘅天色去到都應該睇唔到青色。。所以改咗去閃閃書話花期最長嘅Flower Land Kamifurano！
好似都係無乜嘢睇？
當然唔係啦，呢度啲花開得多好多，加上有啲太陽，所以真係靚好多㗎！只可惜影相技術差咋😓😓
個餐牌。。會唔會誇張咗啲😨😨😨
有得食😋😋漢堡扒 is 賣飛佛
飽飽之後去隔離商場行陣又出發！跟住就到名寄嘅道之駅，落車歇吓腳啦~
好快行完。。好快又返到酒店。。今晚住名寄MyStays，一晚唔駛港幣800，不過一張床就逼咗啲😓😓好彩成個旅程都係得今晚係一張床啫！
放低行李又出發去Aeon搵食！個GPS好型，真係夕陽西下咁。。
名寄嘅Aeon唔太大，亦都無乜餐廳揀，唯有返去酒店附近嘅甘太郎食燒肉放題啦！
掛住食都無影過相😅食飽就行返去啦，今晚就係住呢度~
又一日啦，聽日要繼續向北進發💪🏻
沒有留言:
發佈留言