2018 稚內、知床、十勝川溫泉11天自駕遊~Day 8
食早早，款式都唔少㗎😋😋
今日好好天呀，所以早啲出發，補返尋日去唔到嘅釧路濕原。沿途見到呢架車得2卡，唔知去邊嘅呢🤔
而我哋就直接去細岡展望台，呢個路口入就啱啦
今個旅程好似隔日好天咁😂今日仲好熱添
好快就去到細岡展望台啦
展望台案內圖
本來又想去釧路濕原駅八吓嘅，但好似要行段路先入到去咁。。。即刻打消咗呢個念頭😅😅
入嚟嗰時錯過咗細岡駅，返出去時當然要補返啦
要出發去帶廣啦，先向釧路駅方向行
然後去到道之駅。。戀問館
最強小三😂😂
白之戀人雪糕呀😋
當然要會一會佢
門口賣哂廣告㗎，不過試過就好啦😂
繼續出發。。咁快就十勝川溫泉？
嚟到帶廣，當然要食帶廣名物。。豚丼！之前已經揀定咗一間啦，點知去到烏燈黑火😑原來搬咗😑😑
跟住地圖去到新店。。好彩早一步嚟到，前面排一張枱就到
日文嘅就咁樣
呢個汁簡直無得彈👍🏻
帶廣原來有成27度，比起之前紋別差咗15度，唔怪得之咁熱啦😖😖
下一站要去帶廣駅
虎哥話呢度好多手信賣。。最後只係買咗舊蕃薯🍠😑
跟住去到大肥最嚮往嘅。。帶廣競馬場！門口有好多売店
繼續行就到馬場啦！
呢度嘅馬唔係齋跑咁簡單，所以好大隻㗎！
可惜今日無賽事吖😞
不過都可以去馬舍睇馬
就係佢哋啦，超大隻呀😧😧
下一站。。愛國
無乜人，點影都得
終於到啦
好多車飛呀
嚟到一定要敲吓鐘
同愛國駅一樣咁多站牌
又有必影嘅火車🚞
如果天色光啲，我會覺得呢張相影得好靚㗎😂😂
又係時候返酒店啦！十勝川溫泉真係有好多間酒店㗎
我哋今晚住大平原
熱氣球係呢間酒店嘅主題
入嚟參觀吓，間房都幾大㗎
廁所浴室
又出去行吓先，酒店後面有個好似森林嘅地方，呢條路仲可以行出去搭熱氣球。不過太多蚊，都係返入室內先😓
酒店仲有拉麵店
又喺時候食飯啦，晚餐喺呢度食，仲有好多同胞陪你食😑😑
嘢食有好多款㗎，不過無影哂
第一輪就食呢啲啦
唔講唔知，呢個甜品雖然樣衰衰咁，但原來好好味㗎😋😋
食飽攤抖吓，又係宵夜時間！大肥，你今個旅程食咗好多密瓜啦
今晚仲有日本隊出場，小虎梗係睇埋先訓😂
咁就過咗8日，聽日要返札幌啦😑
留言
發佈留言