2018 稚內、知床、十勝川溫泉11天自駕遊~Day 5
踏入第五日啦，今日要向重點行程之一嘅知床出發😁✌🏻
今日紋別有12℃，好舒服呀☺️
酒店包咗早早，款式多，人都好多。。。而最吸引嘅就喺呢個自制勝手丼😍😍真係好多料㗎😋
尋日落足成日雨之後，今日又見藍天白雲😃😃
再去大蟹鉗！其實想去紋別道之駅，不過好似錯過咗個路口，兜返轉頭又好似搵唔返😓😓
放棄道之駅，直行繼續向佐呂間湖出發！
中途經過愛ランド湧別道之駅
隔離有個好大嘅遊樂場🎡🎢🎠🏰不過無開😑
之後就到佐呂間湖道之駅
呢個道之駅隔離無遊樂場，不過有燒扇貝。。點可以唔試呀？😋😋
我唔客氣啦😍😍
下一站去能取岬！前面轉左吖
好似入去深山咁😍😍
到海邊啦
目的地！不過我無睇過套戲噃。。其實能取岬原本唔係行程裡面㗎，只係出發前見到有網友post咗張相，先記得有呢個地方😅所以就兜過嚟到此一遊啦！
原來呢頭有好多個湖㗎，逐個去都排玩
然後好快好快就到咗特登安排俾大肥嘅景點😂當然係預期中嘅空手而回啦！
去醫肚好過😋今日食呢間~
揀黎揀去。。
都係要漢堡扒😋😋✌🏻
大肥就食牛扒
之後去到天都山展望台
喺呢度可以望到網走市
上嚟天都山條路會經過網走觀光果園㗎！本來想去摘完車厘子先去天都山，點知個果園無開☹️無得摘😑😑既然多咗時間，就兜埋過去網走道之駅啦！
又有海景😃
見時間仲早，去附近嘅Komaba Shopping Town逛咗個圈，喺間餐廳門口見到。。原來監獄有牛㗎😂😂😂
離開網走就向知床進發，沿途又雨又霧，所以經過幾個出名嘅車站都直飛無停站，直至去到宇登呂。。即係已經到咗知床啦😃😃同大肥入去郵便局睇吓有無好野先！
返酒店啦！今晚住呢度~知床第一😃😃出發前猶豫過揀呢間定北辛夷㗎，後來俾呢度嘅自助餐吸引住，所以book咗呢間。
沿途入嚟都又雨又霧，聽日先盡衝知床八景啦💪🏻
上房睇吓先~我哋住至然館！
隨便參觀，一入門口先有幅石牆
玄關
廁所
浴室
兩張大床
仲有好多位吖！好大間房😁😁
喺房望出去。。無乜嘢睇😑
以為我哋間房好大啦，點知去虎媽嗰間房一睇。。。嘩！仲大！好羨慕呀😍😍
參觀完示範單位，又喺時候出動啦！頭先帶我哋上房時嗰時個姐姐介紹過呢個係家族風呂，預約咗就可以去喺指定時間入去浸！我哋當然又去約吓😁😁
隔離就係好大好大間嘅売店
刨冰
芝士
沙律
流冰咖哩
炒鹿肉。。。
即炸天婦羅。佢仲會炸埋自己啲手指㗎🙈🙈
好多甜品
留言
發佈留言