今日起身第一個行程係要去對面小7入貨😂尋日買左一包新口味嘅糖糖試過好好味😋今日要去買買買✌🏻✌🏻
今日都keep住有好天氣吖😄
朝早嘅酒店~
無人嘅街道~
入咗貨就要食早早啦，今朝有呢啲~
筑前煮，最好味就係啲蒟蒻😂
炸帆立貝好味😋😋
送飯一流嘅明太子~
出發lu~轉右美深方向吖！
第一站就係呢度~美深トロッコ王國！呢個地方係有一次上網搵由名寄去稚內中途有乜景點時見到，不過無得上網預約，所以都猶豫過要唔要嚟。。。
買飛先~
分咗8個時段，9點嗰轉就趕唔切，咁就買10點啦😄
盛惠每位千五円💴💴💴
有中文介紹~簡單嚟講就係逢親過橋過火車軌過行人路都要慢駛，安全第一👍🏻
未夠鐘開車，周圍影吓先
車飛
就係呢啲車啦，電動嘅，唔駛自己辛苦踩😅
預備出發啦，來回40分鐘車程
開車啦！
跟住路軌行~
沿途都係樹林，不過無動物嘅。。兜起啲風好舒服吖😌😌好彩最後決定嚟呢度咋，真係一個唔錯嘅體驗！
呢個廁所牌都好一致😂😂
又再起行啦，今次嚟到道之駅
順便醫肚。。。好肚餓呀😩😩好彩遇到有2個熱心哥哥，我一指幅圖佢就即刻指俾我睇係邊行字，所以好快就買到嘢食啦😆
一向唔食咖哩嘅小虎見到蛋包飯就發咗癲咁買咗，原來日本咖哩好好好好味㗎😋😋要買十箱返香港✌🏻
大肥嘅牛扒飯😋😋
食飽飽再出發，轉眼已經去到最北端嘅城市啦😃第一站係副港市場！
再去隔離嘅市場
再出去睇漁船
之後去到最北車站
終於嚟到啦😃
入車站睇吓先~
其實目的地係隔離北市場先真😂估唔到有收穫，買咗2樽好好味嘅昆布吖😋😋
買夠就返酒店lu，今晚住呢間~ANA皇冠廣場酒店，一泊兩食一間房2萬8千円有找！
間房好大呀😍😍
廁所
望出去就係防波堤
放低啲嘢就同虎哥一行三人出去西條百貨，睇吓有乜宵夜好買~隨便買咗啲嘢就返去食飯lu！晚餐可以揀自助餐或者食set，我哋當然揀自助餐啦😋😋先有蟹腳🦀🦀
仲有熱盤
即煎牛扒
甜品
仲有沙律㗎，不過無影到😑雖然款式唔算多，不過樣樣都好好味呀😋😋😋攤抖一陣食埋宵夜，咁又一日啦！
沒有留言:
發佈留言