今日要去衝知床八景。。其實邊衝得哂吖😑只係衝到幾多得幾多啫😑😑尋日一離開網走就未停過雨，所以一早起身梗係要睇天氣啦！好似幾厚雲咁，無陽光☹️不過好彩已經停咗雨！
食早早😋😋早餐嘅地方同尋晚唔同，不過都一樣有好多款，擺嘢食嘅地方仲成條街咁長。。
食飽飽返去房攤抖多陣先出發😃
出發啦
今日有好天氣吖😁😁
咁好天氣，第一站當然要先去知床五湖啦！進入知床國立公園。。好期待吖😃
藍天白雲，靚呀👍🏻
沿途都金睛火眼望住有無動物走出嚟呀😂😂
就到啦
大直路，不過都係無熊🐻無鹿🦌無狐狸🦊
話咁快就到，泊車費500円
入去八吓先😁😁
鹿肉漢堡🦌。。。
趁天色咁好，要快啲起行啦
去哂五湖就行呢邊
我哋只係去一湖就呢邊
知床。。。仲記得3年前嚟北海道時已經好想嚟呢度，但上次嚟唔成，今次終於嚟到啦😭
我哋行高架木道，行到湖畔展望台就返轉頭
出發啦
好長嘅高架木道吖
話咁快就到知床五湖
因為只係行高架木道，所以淨係會去到一湖！不過有好天氣，一湖都有排影吖😂
呢度真係好原始😆
下一景係Puyuni岬，呢度係開車入知床五湖時經過見到，所以出嚟就識得留意，如果唔係可能會錯過左🙊🙊
遠望😃😃
落山啦
有歷史的。。站牌
漁師嘅店當然啱小虎啦，不過可惜唔啱虎爸呢。唯有繼續出發再搵過！未搵到之前就衝埋第三景先，就係好遠嗰度呀。。。
到lu！虎哥諗到無諗就衝咗上去，我當然都唔執輸😁😁
一氣呵成咁登頂
呢邊一望無際。。。
影完呢幾張相其實都已經虛脱啦😑😑行上去真係好辛苦，今朝食嘅嘢全部消耗哂，所以要即刻去道之駅食返個午餐補補😋😋
海鮮丼。。喺食咗5日刺身後，已經唔再吸引😓
返樸歸真食豚丼吧
再追加一份超級好味嘅燒魚鮫😋
穿過賣店就到啦。。Oshinkoshin瀑布
行返去知床五湖條路
向羅臼方向行
越行越大霧。。。
到今次知床之旅嘅最後一景。。知床峠！
勁大霧，乜都睇唔到☹️☹️繼續出發就進入羅臼。。
一路落山，啲霧都一路散
話咁快就去到羅臼，先去海鮮工房行個圈，睇吓有乜好嘢食😋
仲有好多嘢㗎。。
就喺呢個時候，不得之了嘅事就出現啦😍😍老闆請我食蟹都不特只，上面仲加篤賣飛佛嘅海膽。。我話唔好食都呃你啦😋😋😋
幫襯買2隻蟹做今晚宵夜又再出發！先喺附近遊吓。。呢2間同海鮮市場相通嘅，好多嘢食賣㗎😋
返酒店啦~又進入知床國立公園
幾大間㗎
攞好房就上去放低行李先！今晚都係住2張床，仲有少少榻榻米
房嘅樓下就係足湯
仲有庭園
好多貓頭鷹陶燈
又係時候開飯啦！
有好多嘢食㗎
食飽攤抖吓，又要食宵夜😆今晚有下午買嘅2隻蟹🦀🦀仲有海膽😋😋
大戰一輪之後，要去便利店買返啲嘢飲。一行出去攞車。。。咩事😱😱咁多昆蟲伏喺車之餘，仲有幾隻超大隻囉😰
買好嘢回程途中，終於俾我見到搵咗2日，活生生嘅鹿🦌🦌啦！為咗唔好嚇親佢，我哋都只係遠距離同唔開閃光燈咁影，出嚟效果係差啲，不過見到都好吖😁😁
今日又完成一個旅程重點啦！聽日繼續向釧路出發😉
沒有留言:
發佈留言