2019 山形新潟9天自駕遊~Day 5
自助早餐，好多嘢食㗎😋有魚生同燒豆腐
熱盤
仲有甜品
當然唔只咁少啦，不過掛住食，無乜影相啫😅食飽又係時候出發，今日都係同大太陽☀️一齊！
第一站要去新潟市
難得嚟到新潟，點可以唔去大肥至愛嘅新潟競馬場呢
再去新潟駅。。都係留倩影🤗
然後就去新潟中央郵便局📮估唔到呢度仲有肥Pooh嘅記念品呀，要大手入貨先得😍
買夠就去新潟地標，萬代橋🌉
原本諗住去古町通行吓嘅，點知入到去，條街2邊嘅舖頭都未開，咁就無謂落車啦😅改去另一度前先經過白山神社⛩️
唔駛好耐就到啦！新潟燒餅王國😋
入面有個工場
當然仲有好多燒餅賣！呢一款有粗粒砂糖喺面嘅燒餅真係超級好味😋😋要買好多包先得
滿載而歸🤗然後就去新潟故鄉村。。
入面有個賣手信嘅地方
好大好大，仲好多嘢賣！
第二度滿載而歸之後😂😂又係時候食午餐！今日食壽B🍣🍣
好多款呀😍
一次過叫咗好多
仲有鮟鱇魚肝同牛舌
好滿足呀😊😊不過4個人食呢個份量好似少咗啲，唔通真係年紀大咗🤔
要離開新潟市啦，向東京方向行
就會去到長岡市嘅寺泊港
最出名就梗係寺泊魚市場
啲舖頭不外乎都係賣海鮮同串燒，而且仲要好抵食
呢啲中拖羅都係一千円左右💴💴
成個市場最吸引嘅，一定係即開帆立貝刺身！超級鮮甜呀😋😋😋
食過刺身，梗要試埋串燒啦😋
呢盒鮟鱇魚肝好吸引呀🤤🤤唔知係咪可以就咁食呢🤔
開始日落啦
原本唔見咗2日嘅積雪又再出現😲
前面就係妙高山⛰️
去到妙高道之駅，最後衝刺買新潟特產啦！
酒店門口竟然有鏟雪車😱而且條路已經積哂雪，我哋架車嘅雪呔終於用得著啦😭😭
我哋間房叫米山
被爐呀🤩🤩睇電視就見得多，真係未試過坐入去吖！
間房仲有廁所，浴室
𥚃面有張藥石櫈。。不過呢啲天氣坐落去，同十大酷形真係無分別🤫
喺山寺嘅時候無上到五大堂睇山水畫，估唔到喺呢度都睇到幅仿真品😍
浸溫泉嘅呢邊
呢間酒店有啲年紀，但佢啲保養都可以接受，唯一不足就係漏風，圈生話喺房好似住咗入雪櫃咁😂😂難怪嘅，你睇吓啲雪厚到高過個人，就知會有幾涷啦！
晚餐喺呢度食
好地道嘅菜色
有豬肉鍋
天婦羅
刺身
茶碗蒸
呢碗食咗都唔知係乜😑
麵豉湯
漬物
一開始仲覺得今晚會唔夠飽，要出去買宵夜。但呢一餐又出奇地有質素，樣樣都幾好味喎！所以最後都係食到好飽😋😋
餐廳出面有個偏廳
返到雪櫃。。係返到房先啱😅已經舖好床啦
附近無乜嘢行，又天寒地涷，都係早啲播被竇啦😴😴😴
留言
發佈留言