2020 北海道、千葉、東京9天半自駕遊~Day 1
(羽田空港 > 新千歲空港 > 大通公園 > 薄野)
出發啦！當然又係最愛嘅凌晨機啦😍遲啲無咗呢班都唔知搭乜好😭凌晨飛羽田根本就係無敵😏
呢隻機型都改咗幾次😅
出面黑麻麻。。
3個零鐘就到
飛機餐一樣有2款，當然要食燉牛肉啦😋😋
疫情關係，入境前要聲明返無去過湖北，然後就可以攞住呢張嘢去過關
馬不停蹄咁出閘再寄行李，好快就去到坐接駁車🚌🚌
買機票時因為驚趕唔切轉機，所以揀咗遲10分鐘起飛去札幌嗰班😆不過呢班機未到5點就到，入境又快，係等行李用咗啲時間🤨順風順水情況下，6點已經去到國內線嘅閘口啦🤓
機程個零鐘，眨吓眼就到北海道啦😍😍
出發前遇著寒冬大將軍❄️❄️不過嚟到又唔係好大雪噃😊
落機攞齊行李就搭車出去札幌！
好快好快就去到札幌啦。先去酒店放低行李。。條街好多雪⛄️⛄️唔慢慢行一定跣喺度😖
喺札幌嘅3晚都會住車駅附近嘅JR Inn，好方便㗎！
放低行李，預備好啲裝備就即刻出發啦！真係成條街都係雪🥶🥶
經過都廳。。留返個倩影先😝
繼續行，好快就第一個目的地。。旅程重點嘅大通公園雪祭🤩
早餐都係呢度解決啦😋😋先有燒賣
蟹肉薯餅
串燒
呢間冰屋好靚吖！不過係食煙嘅地方，所以唔影到入面，如果唔係一定咳死🤦🏼♀️
由頭行到尾。。好多超級大嘅展品吖😍😍
最後食多份小丸子
跟住就慢慢行返酒店啦！等咗一陣先夠鐘攞房。。間房都唔錯㗎
仲望住鐵路添
頭先真係行到好攰，所以要急差一吓電先😴😴恰到咁上下就要去食飯同去薄野睇冰雕😊先去札幌駅會合又係嚟睇雪祭，不過行程唔同嘅圈生圈太。。。
再搭車去薄野，一出駅就見到佢
然後轉個彎就到會場啦
呢個冰海鮮真係好經典🤣
成條街仲有好多大大小小嘅冰雕㗎
呢條隧道好靚吖 😍
有啤酒🍻🍻
呢個好似雪燈之路嘅雪燈吖
行到好攰啦。。。仲好肚餓添😩搵咗好耐，終於搵到呢間又即刻有位又啱食嘅😋
呢個餐真係好抵食，無可能唔揀！
有沙律
主菜係蛋包飯😋
仲有pancake做甜品🥞
好滿足呀😊食飽就慢慢行返酒店休息啦，預備聽日出發去半天團😆
留言
發佈留言