出去食早餐🥣可能仲早，條街都無乜人😅
反而車站就有好多人，應該係附近有展覽，所以啲人都聚集喺度
繼續行望到呢個牌
就知去到目的地😆
個包包疊得好整齊🥹🥹同香港嗰啲求其疊嘅，真係無得比
食飽飽，返去執好嘢就攞車出發，先向東京方面行
好快就去到葛飾區
柴又帝䆁天
呢度原來都幾大
慢慢行咗個圈😌
有好多款籤可以抽
然後就過去參道
可能仲有點早，啲舖頭都未開哂😅不過人少少，真係可以慢慢行吓睇吓😌
有間賣菓子嘅，好多懷舊嘢😆
柴又駅
行完呢個景點，又去攞車出發下一站😆介紹返呢兩日我哋呢戰友~Roomy
下一站係去ABS卸売センター，買咗少少調味料今晚用😏
然後返千葉県，開始🐎🐎之旅
首先去船橋競馬場
金馬
亮相圈
有得扭蛋😆不過俾部機食咗500円🥲🥲好彩搵到人求救先扭返隻蛋出嚟🤣
跟住就去今日重頭戲，中山競馬場
正門無得買飛😅咁就行返去另一邊先入場啦😆
今日有G1大賽，香港都有兩隻馬馬過嚟參賽架
啱啱好第七場差唔多開跑😆個閘預備好啦
電視影住沙圈
出嚟啦🐎🐎
話咁快就衝線
佢哋跑完會喺呢邊返入去，唔怪之得咁多人喺度等😆
周圍行吓，食個快麵🍜
好快就跑G1啦，去沙圈睇吓先🤩14號係香港馬馬「維港智能」
9號都係香港馬馬「綠族無限」
開跑啦
衝線一刻
辛苦哂你哋啦🐎🐎
睇完馬馬，到我哋馬不停蹄咁去今晚住嘅地方😆
到啦，今晚會喺Glamping Hills AuraTerrace Ibaraki 呢度試吓 Glamping
圓頂帳幕入面係2張床🛌梳化🛋️
另一邊係燒烤爐同飯枱
仲有餐具同少量燒烤用品
隔離間房就係浴室🛀
廁所🚽
放低行李，先去附近Aeon買今晚晚餐🍲
好多靚肉肉呀🤩🤩
買夠就返去啦，營地仲有啲燒烤用品可以隨便用。如果早啲，仲有蔬菜可以隨便攞，不過我哋買完嘢返嚟就無哂lu😅
另外有個位可以邊飲嘢邊傾偈，嘢飲都係隨便飲嘅
係時候開餐啦😋今晚有呢啲食，而公仔麵就係聽日早餐🤣
大肥係今晚嘅大廚🧑🍳
燒海鮮好味😋
食飽飽，玩埋今日check in時買嘅煙花
咁就預備訓啦😴😴明天要上船去北海道😆好期待😚
沒有留言:
發佈留言