酒店包咗早早，食飽又出動啦！先路經千秋公園睇吓花
然後好快就到目的地。。竿燈妙技大會
日頭睇竿燈無夜晚咁靚，但係可以睇得清楚啲😂😂
真係好大力架💪🏻💪🏻
又出發啦，先上秋田自動車道。。不過仲未離開秋田㗎
今日天氣好好吖☀️☀️
去到目的地附近。。GPS係咪做到好攰😓😓完全唔啱位喎！
最後放棄GPS，喺map神指點下終於到達第一站，元滝伏流水！
熊出沒。。應該係小虎出沒呀😂
徒步10分鐘就到~
大樹好遮蔭🌲🌲🌲
好似唔止行咗10分鐘😩😩不過越行越涼爽就真嘅，如果唔係都行唔到咁耐！好彩亦都有堅持行入嚟，因為實在太靚啦。。。
係點影都咁靚
時不宜遲，影夠又出發！下一站去酒田。。今次真係要離開秋田，進入山形啦
嚟到酒田，當然要嚟魚市場醫肚😋😋
不過要就虎爸嘅古怪口味，最終都係食拉麵！大肥，你又話1號係冰拉麵，點解熱到出哂煙㗎😩😩
食飽飽當然又去行吓~尾花沢西瓜🍉🍉好大個吖！
之後去山居倉庫
行咗一陣就去超市買宵夜，然後就去小虎最期待嘅目的地~銀山溫泉！
就到啦！
為咗滿足虎媽需要，原本今晚係預約咗銀山莊㗎！不過諗咗好耐，嚟到銀山溫泉唔住溫泉街好似有啲可惜😔所以最後問咗幾間喺溫泉街嘅旅館，睇吓有無邊間房入面有浴室，咁就可以一次過滿足哂兩個願望啦😁好快，能登屋就覆咗我佢哋旅館有一千零一間房有浴室喎！就係咁，我哋就可以住到呢度啦😁😁✌🏻
除咗我哋，仲有另一組香港人㗎
Check in時有提供floor plan
日本秘湯🤔🤔
上到房，一入門口就係廁所
卧室。。好大吖😍😍其實我好鐘意住溫泉旅館㗎！
鎖匙牌都好古色古香噃
今次放低行李之後唔係第一時間出發去溫泉街，而係去虎媽間房睇佢哋個浴室😂😂真係好正㗎。。。
去行街啦！夏天嘅銀山溫泉都好靚吖
再去瀑布
然後返去沖個涼預備食飯啦！今晚食飯嘅地方叫月山，我哋自己一間房呢😊
已經擺好位啦😋😋
好多前菜
雖然唔知呢兩舊係乜，但好味吖
刺身
汁煮鯉魚。。估唔到又幾好味喎
尾花沢牛加山形豚火鍋。。牛肉好好味吖😋
呢個係好辣嘅漬西瓜
燒魚
山形地雞湯
甜品有尾花沢西瓜！好甜，不過好多核。。
其實仲有飯有麵㗎，食哂都真係好飽！所以要出去行吓幫助消化😁😁夜景都好靚吖😍好鐘意呢度呀！
夜晚嘅能登屋
呢度有個洞窟風呂，只要門口個牌係空，就可以入去鎖門當私人溫泉咁浸
要落樓梯
其實個溫泉唔太，啲水仲要勁熱。。不過私人風呂都係一個賣點嘅😁
又到宵夜時間，今晚啲嘢食好簡單咋
第七晚啦😩😩大肥，下次冬天帶我嚟呢度住多次，我想睇有雪嘅銀山溫泉呀！
