2017 東北夏祭10天自駕遊~Day6

青森 > 秋田

本來以為2萬5千円淨係得一晚房，原來有早餐送喎😁咁樣都心理平衡返少少！啲嘢食唔錯㗎😋

呢個似山藥。。不過試少少就算🙊


乳酪配蘋果蓉，個蘋果蓉超好味😋😋👍🏻


又出發啦！bye bye啦，2萬5！


呢條街，就係睡魔祭巡遊路線。。尋晚見到旁邊觀覽席都無坐滿，本來都想bk個位俾虎媽。。不過無櫈坐真係有啲難搞😓😓


今日第一站係去青森駅附近嘅古川市場~

乜真係有咁多間店咩🤔🤔


一早已經好多人啦。。不過反而乾貨嗰邊少人啲


然後去尋日無行到嘅A-Factory


𥚃面好多嘢賣㗎！仲有得退税添😁😁所以喺度入咗大量手信👍🏻👍🏻臨走再喺出面啲檔口買杯蘋果冰😋😋

買夠就離開青森，向秋田出發啦！

經過個迷你道之駅，正想去個廁所時。。。


有人賣花冰吖😍


雖然喺廁所門口賣，但係日本廁所都乾淨啲嘅，就買杯試吓啦😋不過個樣普通，味道更。。。。試吓無妨嘅！


午餐時間已經去到秋田啦，當然又搵Aeon解決啦！呢個賣相好吸引呀😍


有得食！喺日本食飯從來都唔需要擔心圖文不乎。。真係一模一樣㗎！我唔客氣啦😋


食飽飽就返酒店啦！今晚住Comfort Hotel，無去錯啦😂經過會場，啲櫈已經set好哂啦


放低行李又出發~先去秋田駅行個圈！我又好想要呢張吖😍


周圍都係竿燈。。


再一路行去市民市場


不過秋田比起青森真係熱好多吖😖😖行咗一陣已經頂唔住要返酒店抖抖！其實真係抖一抖咋，因為轉頭又出發去食晚飯。。。今晚要食蟹🦀🦀🦀虎哥已經訂咗位，所以一嚟到就有位啦😍


我哋無叫餐吖！散叫先盡興😂😂先有帝王蟹


天婦羅


然後係太卷同蟹羔軍艦


仲有蟹粥


蟹飯


啲嘢真係好好味，樣樣都打孖上，飽到上心口lu😋😋😋飽飽又再出發。。慢慢行去竿燈祭會場！千秋公園啲燈籠著哂啦😍


成條街都係竿燈祭嘅宣傳呢！


去到會場，佢哋預備好啦！


撐起哂其實真係好靚㗎😍😍


佢哋真係好鬼大力


停一停，換個位繼續

我哋今次依然貫徹唔霸位嘅習慣，其實只要搵吓都有啲影相位嘅！


睇到咁上下，過對面八吓有乜好食先


最後買咗支茶又返去，影多2張就走啦~


呢間酒店睇竿燈祭一流。。不過當日為咗慳返3萬円無揀到佢，依家就要行段路返酒店啦😫😫

宵夜時間😋😋


連續追咗3個祭，聽日終於可以抖抖。。。唔駛追祭就改追景啦😂😂