2017 東北夏祭10天自駕遊~Day4

乳頭温泉 > 田沢湖 > 角館 > 盛岡

今朝早早~都唔錯㗎😋不過大肥今朝好燥底😡仲同日本大叔開拖，搞到小虎無哂心情😤😤

除咗水車外，小虎最鐘意呢個景😍喺香港少見嗎

今日第一站~田沢湖！先黎大鳥居。。好有宮島feel吖😂😂

 

跟住係浮木神社！

行過隔離仲有黃金辰子像！

好多魚吖🐟🐟

遠距離嘅浮木神社

離開田沢湖，經過物產館，當然又入去運吓桔啦

出面都有景架

繼續出發，下一站係角館。。。郵便局😂😂話說係路經一間郵便局，突然諗起啱啱出咗批肥pooh產品噃，咪走入去睇吓！點知佢話角館郵便局先有喎，咁我哋本身都去緊角館啦，當然順便去入貨啦😁✌🏻去到角館。。實在太熱，所以最後都係車遊角館就好啦😓😓呢度如果開滿櫻花應該真係好靚，要再黎吖！

之後開始去盛岡啦，途經田沢湖駅

對面有間物產館噃

然後再去盛岡Aeon食晏。。無錯，的確又係Aeon！😓今日揀左呢間~豬扒飯🍱

個茶壺好得意呀！不過咁鬼細個，斟兩杯水就無哂😩

有得食😋😋

 

食飽飽就去超級市場買宵夜~有架肥pooh車仔吖，勁想坐落去。。不過就算坐得落都應該起唔到身😂😂

買好宵夜，去驚安行個圈，咁就返酒店啦，今晚住盛岡格蘭飯店別館~酒店正正係三颯舞會場後面，好方便呢！去到附近已經有好多宣傳啦~

酒店都貼咗張大海報吖

附近有好多嘢行架，啲人都預備好今晚嘅全民運動呢😂😂

 

有好多小食檔，今晚唔怕餓啦

人人都霸咗個好位啦！不過我哋無霸到，行到邊睇到邊啦😁😁

喺酒店攤咗陣，聽到鼓聲先出發，真係剛剛開始咗

因為前面劃左線嘅地方啲人都坐定定睇，所以就算企後幾排都睇得好清楚呢！

 

 

冴島護士都黎左呀😍(睇code blue睇到傻咗😓)！不過背住我呀。。。其實我覺得比嘉幾靚架，不過大肥話唔覺喎。。。

跟住仲有唔同嘅團體出場~仲有好多媽媽拖住或者揹住小朋友一齊跳，其實傳承真係好重要架！

 

 
 
 

未等到跳完已經好肚餓，要去食飯啦！晚餐食燒肉~

好味吖😋😋👍🏻

 

當然仲有盛岡冷麵，雖然唔係好出名嗰間，不過都好好味呀😋😋

食飽飽當然又周圍行吓啦，大肥睇仲咗呢杯古怪飲品添

目的地就係呢度，買厚切豚肉今晚宵夜😂😂

買完野返去，雖然個三颯舞完咗，但係都有其他嘢玩吖，可以同佢哋一齊跳舞呢！

 

呢個盛岡三颯舞只係今次追祭之旅嘅開始，今晚就當熱身，聽晚就追重點嘅睡魔祭啦~