2017 東北夏祭10天自駕遊~Day5

盛岡 > 八戶 > 青森

今朝喺酒店食飽早早就出發啦！第一站先去道之駅😂😂~

正式出發！今日行程好簡單咋，因為今日要早啲去到青森泊車同霸位睇睡魔祭✌🏻所以首先去八戶燒海鮮🐟🦐🦀🦑

有啲早，啲餐廳都未開😓不過唔緊要，我哋志不在此😤😤

玉子燒呀😍

又少人，又乾淨。。

 

鯛魚燒


睇到都覺甜到漏嘅菓子


入正題！目標嘅七厘村已經開咗，咁我哋都唔同佢客氣啦😋😋✌🏻


大蝦扇貝生蠔魷魚。。。仲有大量刺身😋😋


最後都揀咗唔少野架！不過掛住食，無乜影相😓最值得推薦係北寄貝刺身，第一次買咗兩隻嚟燒都已經好好味😋再買兩隻生食原來仲好味👍🏻


食飽飽再行個圈，啲桃好抵吖🍑🍑

買埋手信就事不宜遲出發啦


好快好快。。就到青森市區啦😁😁


先去今晚住嘅Smile Hotel放低行李先~之前問過酒店，我哋架車泊唔泊到酒店停車場，佢話我架車太長啦，所以泊唔到。。。咁咪打算早啲去到青森搵位泊囉！點知去到酒店門口，竟然有2個露天位，仲啱啱好泊喎😁即刻落行李check in先✌🏻入到Lobby，個職員搵咗好耐。。好耐。。都無我哋嘅booking呀😰😰佢仲俾埋啲單我自己搵。。真係無呀😫😫唔通今晚要訓街。。。。

正當我摷返個email，諗住俾佢睇嗰時。。。唔好意思😓😓我係住Super Hotel先啱。。。運咗場桔，終於都搵到真命酒店😅😅


去到嗰時兩點九，佢話啲房執好啦，可以上去lu😁係細啲，不過。。。。


之前希望3間房入面，有1間房可以望大街都好吖，點知上到去，3間房都望大街吖😁😁唔落樓下都睇到睡魔祭啦✌🏻✌🏻


去Lawson買啲嘢食，就過對面街搭車去青森駅啦~

真係好想要返張留念吖


一場嚟到，梗係去睡魔屋企打擾吓先😂


我哋無俾錢入場吖，因為今晚都有得睇！不過原來免費區都有嘢睇㗎


之後出返去前面個空地，好熱鬧吖

仲有睡魔包包。。。不過無買到，有啲後悔添😫


然後一路行去物產館，竟然。。。。
 

係今晚嘅燈籠車吖😍😍😍😍真係好大架，如果著咗燈一定好靚架！


入到物產館仲有個高嘅添

買咗個蘋果批就慢慢行返酒店啦！沿途擺咗好多櫈啦

 

仲有許可証添


最鐘意呢啲檔口😍今次買咗雞脾同關東煮，以為關東煮嗰隻係螺咪買囉，點知返到去睇清楚，原來係蝸牛🐌🐌😫😫今次真係試唔落。。


返到酒店攤攤吓，聽到好多鼓聲，又忍唔住走落街睇吓嘢😓開始預備啦😁


行咗陣，諗起頭先check in時見到好多罐睡魔祭嘅嘢，又走去問吓幾錢買返罐先！點知原來係送㗎，入住就有得送呢😀😀

天黑啦，雖然話留喺房都睇到，但係難得嚟到，梗係要去迫吓湊吓熱鬧啦😁✌🏻坐滿哂人啦，我哋之前無霸定位，不過依家都搵到個好位吖✌🏻✌🏻


出場啦！唔怪得之年年都咁多人嚟，真係好熱鬧，好吸引㗎！


有時仲會走到埋嚟然後剎停，力的表現呀💪🏻💪🏻如果唔係都唔會影到咁近鏡😁 
 



上網睇，第一日嘅大車應該唔夠其他日子多，但其實都有睇唔完嘅大車㗎！


快樂不知時日過，差唔多兩個鐘嘅睡魔祭話咁快又完。。返上房繼續睇，仲有好多人㗎！不得不讚呢間酒店真係超方便😁😁

出發去食晚餐~仲有水尾。。係隊尾嗰啲可以睇😂


今晚隨便搵間唔駛等位嘅餐廳。。就佢啦！都好少會係日本食中華料理啦😋😋


今次旅程主要追嘅睡魔祭就成功追成💪🏻仲記得二月尾搶房時嘅情景，然後間房又有幾貴，但係呢度真係好方便，漏咗嘢返上房攞又方便，睇完返去就更方便😁👍🏻不過我仲未諗通點解我會去錯Smile Hotel😓😓😓

聽日繼續努力，要去秋田追竿燈祭啦💪🏻😁