小虎浪遊記

花卷温泉 > 美鄉町 > 乳頭温泉   Morning~ 食飽早餐就出發啦，今日要去美鄉町~中途經過錦秋湖嘅道之駅。。 咁大支旗賣雪糕，試吓先😋😋 進入秋田県啦~ 好耐以前睇過旅遊節目介紹美鄉町，話呢度有好多湧泉，仲要係全國水質最好嘅地方。。總之就係好靚咁啦！不過搵咗好耐都見唔到，所以走咗去案內所攞咗張地圖。。。 估唔到就喺隔離。。。 點解啲水。。。濁過乜咁嘅😨😨唔止一個，係行咗兩三個都係咁。。。今次明顯係繼3月去佐原水鄉後又再中伏😵😵 離開美鄉町，就去附近Aeon醫肚先！無錯，又係Aeon😂😂今日午餐要食壽b🍣均一價嘅就啱哂大肥同小虎啦！ 食飽飽lu，戰鬥力好似低咗添🤔🤔 補多杯唔特別嘅限定版就夠滿足😋 本來打算之後去角館同抱返溪谷架，點知虎爸又痾又嘔😰最後決定先去今晚嘅酒店等虎爸虎媽休息一下，小虎一行四人先再去角館啦。。下一站，乳頭溫泉！✌🏻✌🏻 到啦😃😃 乳頭溫泉有幾間旅館㗎，最出名似乎係鶴之湯。。不過我哋今次揀咗住新式啲嘅休暇村！無他嘅，因為呢間旅館有3間房有浴室，比起其他旅館，呢度先滿足到虎媽😂😂   溫泉專車 原先打算出去角館㗎，但係啲雨完全無停過，而且出去又一大段路。。。所以最後都係決定唔去啦，今日hea返下啦！雖然唔出去，不過都要喺酒店周圍睇吓嘢😂大地圖！原來鶴之湯都唔近噃😵 仲有個食蛋糕嘅地方~ 晚餐可以加呢啲吖😋 開餐lu😋今日都係自助餐~比起大觀莊，呢度啲款式真係少好多，不過味道都唔差㗎！可以話好好味添😋😋         呢個係另加嘅秋田牛😋好味👍🏻👍🏻 甜品都唔錯吖！ 夜啲過去浸下溫泉，人少少都幾自在架😌不過露天風呂就有昆蟲陪浸囉。。。 食埋宵夜就要訓啦😴😴聽日正式開始今個旅程嘅重點。。追祭💪🏻😤

松島大觀莊 > ひまわりの丘 > 嚴美溪 > 花卷温泉 早餐都有好多嘢食吖，仲有好少見嘅湯餃呢😋😋不過尋晚嗰餐食得太盡興，好似未落哂隔咁😓 尋日嚟到嗰時落雨無得周圍影，今日有好天氣就可補返哂😁✌🏻 啲繡球花好靚吖😍 離開酒店，本來想喺松島周圍行吓。。點知泊好車之後有個好似保安嘅人走埋嚟話今日有馬拉松比賽，好快就開始封路😰😰。。。咁我哋梗係即刻走，如果唔係都唔知封到幾時！ 不過走還走，點都要留個倩影嘅😏 日本三景，差天橋立就集齊啦~ 之後行錯路轉咗上山。。仲可以遠距離補多張😂 第一站先去大埼市嘅向日葵畑🌻🌻今日係開催嘅第二日~ 係咪應該遲幾日先黎會好啲😰😰 都有朵開得好靚嘅。。。 隔離仲有嘢食賣，名物2個字真係好吸引😋😋雖然唔知係乜，不過都一試無妨吖！原來係蒟蒻嚟㗎！仲要係好好味嗰隻😋 下站出發去嚴美溪~途中經過大休息站，當然又去八吓啦😁 話咁快就到lu~ 嚴美溪~ 咁啱有人買左糰子，個籃返黎啦！ 排長龍買呢😰😰問人借個位影張相算啦😓 午餐就喺嚴美溪隔離嘅餐廳解決啦 呢個係前沢牛燒肉重。。我覺得米沢牛好味好多😂😂 飽飽就繼續行程💪🏻本來想去中尊寺金色堂架。。但係太曬，太熱啦。。停車場行入去又一段路😓😓所以都係放棄咗，但又唔想咁早返酒店噃🤔搵個道之駅停低諗諗先！介紹返。。呢個道之駅有好多嘢食㗎😂😂 最後大家一致決定改去盛岡嘅Aeon入貨，然後直接去酒店。。就咁話啦，真係好熱呀！今晚就係住呢度~花卷溫泉！ 呢度有幾間酒店，以前住過紅葉館，一直到俾佢個自助餐吸引住，本來今次想再會一會佢。。但又想試新嘢喎，所以最後揀咗千秋閣！ 酒店房望出去。。見唔見我哋架車吖？ Check in嗰時有張玫瑰園割引券，又見到酒店都有介紹喎。。 咁又過去睇吓先😁好似好大咁噃 有好多花架~ 仲有噴水池 呢個係宮沢賢治設計嘅日時計花壇 返酒店攤陣，又到晚餐時間😋今晚自助餐有海鮮陶板燒 釜飯 刺身 當然仲有熱盤啦，不過人太多無影到。。之後突然聽到好多廣東話，...