2017 東北夏祭10天自駕遊~Day1

香港 > 成田空港 > 仙台港 Outlet > 松島大觀莊

出發啦！買咗大半年嘅機票終於用得啦✌🏻第一次坐雲呢拿，估唔到有驚喜噃☺️唔駛搭出去停機坪撐樓梯之餘仲有咁前嘅閘口🤣🤣

不過架飛機真係有啲細。。。

訓咗一輪，終於望見家鄉啦😂T3落機之後一路行去T2嘅Times櫃枱辦好手續，咁就坐shuttle去攞車啦~由零開始。。唔知今次會跑幾多公里呢？🤔🤔

搞掂哂就開車啦😁天氣好好呢~又無香港咁熱！

今日行程好簡單，就係由機場一路上松島。。大概5個鐘車程，沿途當然唔少得道之駅啦！第一站係呢度~

我哋架車~6個人坐真係好鬆動

放6個大喼當然都無問題

繼續出發竟然見到令大肥發花癲嘅JRA馬車😁😁一定要留個倩影啦

再黎道之駅~

到第三個道之駅嘅時候已經入咗福島県啦~

12點幾，要食午飯啦！今次食嘅係喜多方拉麵😋😋

今日第四個道之駅有個野菜市場，仲有福島桃賣添🍑🍑🍑

仲有牛串呢😋😋

終於入到宮城県啦

先去仙台港outlet行個圈，不過因為有點趕時間，所以一張相都無影過。。趕去邊？之唔係趕去Aeon買宵夜囉😓😓買好就直衝松島啦！今晚住大觀莊，7年前都喺度住過架！

好大間房

不過貪平無揀到海景房真係一個敗筆呀😩😩

晚餐喺酒店食~為咗彌補虎哥7年前無得食呢度個Buffet嘅遺憾（其實又無咁嚴重嘅😁），今次出發前用咗好多方法聯絡酒店，希望佢哋可以安排個Buffet俾我哋，可惜一啲回音都無😩😩不過好彩。。原來酒店本身都安排咗Buffet吖🤣✌🏻仲真係有好多野食架~

呢個要自己淥嘅豚肉真係好好味架😋~

當然唔少得仙台名物啦~

最後喺甜品~綠色嗰篤糰子係估唔到嘅好味 。。😋😋

焦糖布甸。。都唔記得食咗幾多杯 😓

本來己經食飽飽，點知無端端推條魚出嚟喎，又去湊下熱鬧先~

原來有師傳開咗條魚之後，即刻拖一拖水，再加啲湯做泡飯。。。唔忍得口嘅小虎梗係又要會一會佢啦~又係好好味。。點解好似放得入口嘅嘢我都會話好味🤔。。


飽到上心口，喺酒店大堂行個圈，有七夕祭嘅裝飾啦~

攤喺床度休息一輪就再戰宵夜！！

第一日無行程嘅行程就咁就完啦~聽日開始一定要去盡啲💪🏻😤