2014 和歌山、京都、伊勢8天自駕遊~Day 8(大阪城公園＞通天閣＞道頓堀＞関西空港)

因為買咗大阪周遊卡，所以今日第一站會去大阪城公園。落車仲要行好遠先到呀。。。
 

終於見到啦~

大肥好辛苦行到上嚟之後就喘哂氣標汗哂，如果依家唔係天冷，我仲以為佢中暑呀！

留咗一陣就要走啦，大肥，你無事嗎？

之後去電電城，大肥終於精神返啦~行夠就去通天閣

部電梯都好靚呢

其實都係一個展望台

 

返去道頓堀食一蘭，我覺得。。。唔啱我口味

大阪周遊卡仲包咗坐道頓堀嘅水上觀光船，既然仲有時間當然又去試吓啦，低炒咗固力果呢~

遊完船河就返酒店攞行李去南海難波駅搭車出機場啦~
 

上機前當然要食啲嘢啦，因為無飛機餐嗎~

桃子喺2號客運樓上機
 

上機lu


Bye Bye Osaka~

好快就返到香港啦。

下次要再嚟！不過唔會再係落雪時間嚟囉。。。

2014 和歌山、京都、伊勢8天自駕遊~Day 7(即食麵發明紀念館＞空中庭園展望台)

今日行程好充實呀！朝早先去池田嘅即食麵發明紀念館
 
 

大肥仲整咗個杯麵，有好多料可以揀呢~

搞掂~

呢啲都係地區限定品

超級多杯麵，一日食一款都唔知要食幾多日
 

因為一開始買咗大阪周遊卡，所以本來打算去大阪府咲洲行政大樓展望台，順便去食豬扒飯，不過諗諗吓又好似唔係好順路，所以最後只係去咗難波駅嘅分店食豬扒飯。

 

之後去咗附近周圍逛，見到有間鶴橋風月。。。之前成日見啲網友介紹，既然咁啱見到又入去試吓先，反正未正式試過大阪燒，除咗大阪燒，我哋仲叫咗個蛋餅添~

 


大阪燒出場~
 

因為一開始已經知天保山嗰個摩天輪維修緊無得坐，所以打算去Hep Five坐摩天輪啦，點知去到嗰時又話臨時維修兩日。。。唯有繼續去下一站空中庭園展望台啦~


夜景真係好靚。。
 
 
 
 

之後就返去道頓堀食晚餐，最後一晚啦，好想打爐呢~
 
 

同早兩年嚟嗰時一樣咁好味~飽飽就返酒店執行李預備聽日返香港啦！

2014 和歌山、京都、伊勢8天自駕遊~Day 6(清水寺＞伏見稻荷大社＞京都競馬場＞心齋橋)

一大早就出發去清水寺~成日喺旅遊書見到嘅相，今日可以自己親眼睇到啦！

 

舞台~

 

 

行到夠就去食晏啦~個湯好濃好杰。。。唔啱我

之後本來打算去金閣寺架，不過中途又見封路又有少少塞車，原來今日跑京都馬拉松呢~

由於之前塞車嘅經歷，我同大肥一見到咁嘅情況就即刻決定放棄金閣寺啦，如果唔係又唔知塞幾耐，所以就去咗有千本鳥居嘅伏見稻荷大社
 

好多人呀！

如果行到上頂，應該會好攰，所以感受吓就好啦，因為之後仲要去大肥期待咗好多日嘅京都競馬場~

好快就到lu

今日有京都紀念賽，所以都有唔少人入場呢

話咁快又跑完啦~

要返大阪啦，呢幾日辛苦哂你啦！

夕陽。。。

返到大阪還好車，就去搵固力果影相

道頓堀~