好快就到埗，好快就攞到行李。
之後就去Toyota攞車，喺香港已經book好啦，不過因為去鈴鹿嗰邊可能會落雪，所以想換架有雪軚嘅車，不過個姐姐話無車可以換呀！然後佢問我哋會去邊，我同佢話去和歌山同神戶，佢就話換咗會好啲，仲話如果聽日過嚟就可以換到。。。安全起見，唯有聽日再嚟換車啦！
因為聽日喺神戶有好多行程，我哋驚唔夠時間，所以今日就去行咁啲先，夜晚就返落去和歌山嗰邊住~第一站先去手塚治虫記念館。
行咗一陣就出發去阪神競馬場，其實都知今日無馬跑㗎，不過諗住都入去行個圈買吓嘢，點知去到門口個保安就話我哋知馬場無開，要3月有馬跑先開，連賣店都無得行呀。。唯有下次有機會再嚟啦。。。
之後就去和歌山，經過道之駅。。
雖然今晚有自助餐食，不過都喺俾啲章魚燒吸引住。
去到酒店lu，呢間係一泊2食嘅，兩餐都係自助餐，好抵住呢~
本來今晚想出去食宵夜同浸腳㗎，不過大肥話好眼訓喎。。。咁就早啲休息啦！
沒有留言:
發佈留言