2014 和歌山、京都、伊勢8天自駕遊~Day 5(鳥羽水族館＞伊勢神宮＞京都梅小路蒸汽機関車館)

今朝起身第一時間打開窗，終於停雪停雨啦，放晴啦~

第一站要去尋日嘅行程--鳥羽水族館

買飛先

好大好多嘢睇架！

 

   
 
 
 
 

你好可愛呢

其實水族仲有好多表演架，不過為咗要追返啲時間，我哋留咗2個鐘都無就趕住走啦，因為尋日落嘅嗰場雪，搞到失哂預算呀！下一站去伊勢神宮。GPS指示我哋轉入一條無料嘅路，但係條路封咗。。。正當我哋搵緊附近有無其他路去嘅時候，有架貨車係條封咗嘅路駛出嚟，可能個司機見我哋想轉入去，所以仲走落車同我哋講佢啱啱喺嗰邊過嚟，完全無問題，叫我哋行。。。咁我哋當然好多謝佢咁熱心啦。等到見佢走咗，我哋先再搵另一條要俾錢嘅路去，因為我都係擔心條路積雪，而且條路封咗，如果我照行，大吉利是入到去有乜事，咁保險仲會唔會賠? 我寧可唔去伊勢神宮都唔會咁搏啦。。。

其實行另外一條路都只係俾多咗幾百円路費，時間都係差幾分鐘，咁就好安全亦都好順利咁到咗伊勢神宮啦！先行出面嘅表參道 。。。

 

然後再入宮參拜
 
 

本來預咗好多時間喺呢度行架，不過啲時間俾尋日場雪塞走哂。。。所以我哋好快就離開伊勢，向京都嘅梅小路蒸汽機関車館出發啦。

落大雨呀。。。

館裡面有好多舊火車睇架。
 
 

大肥話呢幾日都無食過燒肉，所以今晚就去咗啾啾亭食燒肉放題啦~

飽飽就返酒店抖陣，夜晚再出去行Aeon，聽日要返大阪啦。。。