小虎浪遊記

食早早前先去附近嘅三徳川行吓。。日本啲空氣真係好好！        有足湯，不過未開。。。 有露天風呂㗎，噚日有啲叔叔喺度浸緊無得影，今朝就影得啦~ 酒店早早，大肥依然唔多啱食。。將貨就價呀！ 第一站--鳥取沙丘！ 好很大。。好很遠。。就係落力影相時，大肥無端端跌親個羅友喎😁😁圈叔應該錄低咗，要收買佢。。條片先😁😁😁   千辛萬苦，再加上沿路有日本人同我哋打氣。。終於行到上去啦！係沙丘上仲可以睇到日本海。   咁辛苦行，唔食啲好嘢都對唔住自己呀😤所以洗乾淨對腳就去對面餐廳食咗個蟹肉飯，好味！ 之後就去大肥好鐘意行，但又買唔到嘢嘅outlet--神户三田！然後就返大阪啦。。小虎都要同固力果留倩影！ 喺道頓堀見到有燒元貝，之前唔覺眼嘅🤔   旅程最後一晚啦，本來想打爐所以去返上次食嗰間餐廳，點知等極都唔叫我哋入座，原來間舖轉咗做燒肉，無位打爐。。我喺樓下問嗰時又話有打爐嘅😩😩最後都係決定轉燒肉，即刻就有位！ 今晚宵夜係限定版雪糕😋😋 執好行李都唔捨得訓，因為訓醒就要返香港啦。。

又開始新一天啦~趁未夠鐘食早餐，出去溫泉街影吓相先！ 沿途都好寧靜，人都無個見吓。。不過環境就好舒服，空氣又好~        有足湯~終於都見到有人啦！ 好出名嘅勾玉 返酒店食早早啦~ 今日第一站就係去境港市鬼太郎，中途經過呢條江島大橋，之前睇相就覺得好特別，所以就好期待地拎起相機影相啦 但其實行到上橋係完全無感覺嘅。。嘥氣！   好早就到咗境港嘅水木茂之路，啲舖頭都未開哂，但喺呢間賣妖怪饅頭嘅就開咗啦 仲有原個妖怪饅頭試食，太大方啦。。。吉士味好食，雪涷更好食！ 鬼眼老爹呀 再行就去到妖怪倉庫。。不過無入去。。。 行返去妖怪樂園就有入去啦，光猛好多嗎😁   必食嘅鬼眼老爹和菓子。。。十一級甜！ 下午本來想去食女王蟹蓋飯，不過去到目標餐廳話無蟹，叫我哋去唔知邊度嗰間。。。圈叔突然諗起之前睇唔記得邊個旅遊節目時有介紹去魚市場食，咁當然就即刻起行啦！圈叔你真係好記性！ 有得食！圈姨仲幫我哋剪好哂隻蟹。。下次食蟹一定要同埋你去啦！   市場隔離仲有座土產店，入去行個圈就有收穫，二十世紀梨雪糕好好味！ 之前本來諗住去島根嘅no.1庭園--足立美術館㗎，不過後來都係去咗鳥取嘅 とっとり花回廊  ，因為車程近啲，同埋呢度可以近距離睇花，唔似足立美術館咁要隔住塊玻璃！買飛時出示passport有折㗎！似乎山陰地區好多要入場費嘅景點都有呢個優惠。。 盤蘭花巧靚呀，點解我種唔到咁㗎。。 仲有好多花㗎       然後出發去二十世紀梨記念館，喺大肥嘅努力下，終於趕得切入場。。 呢度啲入場費都係出示護照就有折㗎！ 好多款梨呀！ 今日有呢3款梨可以試食，3款都好好食！😋😋 大梨樹 小虎到此一遊！ 返酒店啦~由呢度去三朝溫泉好近，大約15分鐘車程就到！今晚我哋住"後樂" 原先其實唔想住呢間㗎，因為門口有個白燈籠。。。不過後來喺agoda見到呢間有特價喎，仲有九折嘅折扣碼可以用！一泊兩食，兩個人一千蚊唔駛，咁我當然唔會同錢鬥氣啦！ 未夠鐘食飯，出去周圍行吓 ...