2015 岡山後樂園、廣島海中大鳥居、島根出雲大社自駕7天~Day 5(水木茂之路＞鳥取とっとり花回廊＞二十世紀梨記念館＞三朝溫泉)

又開始新一天啦~趁未夠鐘食早餐，出去溫泉街影吓相先！

沿途都好寧靜，人都無個見吓。。不過環境就好舒服，空氣又好~

   

 

有足湯~終於都見到有人啦！

好出名嘅勾玉

返酒店食早早啦~

今日第一站就係去境港市鬼太郎，中途經過呢條江島大橋，之前睇相就覺得好特別，所以就好期待地拎起相機影相啦

但其實行到上橋係完全無感覺嘅。。嘥氣！

 

好早就到咗境港嘅水木茂之路，啲舖頭都未開哂，但喺呢間賣妖怪饅頭嘅就開咗啦

仲有原個妖怪饅頭試食，太大方啦。。。吉士味好食，雪涷更好食！

鬼眼老爹呀

再行就去到妖怪倉庫。。不過無入去。。。

行返去妖怪樂園就有入去啦，光猛好多嗎😁

 

必食嘅鬼眼老爹和菓子。。。十一級甜！

下午本來想去食女王蟹蓋飯，不過去到目標餐廳話無蟹，叫我哋去唔知邊度嗰間。。。圈叔突然諗起之前睇唔記得邊個旅遊節目時有介紹去魚市場食，咁當然就即刻起行啦！圈叔你真係好記性！

有得食！圈姨仲幫我哋剪好哂隻蟹。。下次食蟹一定要同埋你去啦！

 

市場隔離仲有座土產店，入去行個圈就有收穫，二十世紀梨雪糕好好味！

之前本來諗住去島根嘅no.1庭園--足立美術館㗎，不過後來都係去咗鳥取嘅とっとり花回廊 ，因為車程近啲，同埋呢度可以近距離睇花，唔似足立美術館咁要隔住塊玻璃！買飛時出示passport有折㗎！似乎山陰地區好多要入場費嘅景點都有呢個優惠。。


盤蘭花巧靚呀，點解我種唔到咁㗎。。

仲有好多花㗎

  

 

然後出發去二十世紀梨記念館，喺大肥嘅努力下，終於趕得切入場。。

呢度啲入場費都係出示護照就有折㗎！

好多款梨呀！

今日有呢3款梨可以試食，3款都好好食！😋😋

大梨樹


小虎到此一遊！

返酒店啦~由呢度去三朝溫泉好近，大約15分鐘車程就到！今晚我哋住"後樂"

原先其實唔想住呢間㗎，因為門口有個白燈籠。。。不過後來喺agoda見到呢間有特價喎，仲有九折嘅折扣碼可以用！一泊兩食，兩個人一千蚊唔駛，咁我當然唔會同錢鬥氣啦！

未夠鐘食飯，出去周圍行吓

 

仲買定雪糕今晚宵夜

晚餐啦~不過大肥就唔多啱食。。唉，呢個價錢，將就吓啦！

喺之前出去行嘅時候已經見到間居酒屋，咁梗係要同大肥去食個宵夜啦~

   

   

飽飽就返去休息啦，聽日要返大阪啦。。。