2015 岡山後樂園、廣島海中大鳥居、島根出雲大社自駕7天~Day 4(日御碕灯台＞出雲大社＞玉造溫泉)

酒店包咗嘅早早，可以揀日式或者西式，小虎當然揀日式啦

 

飽飽就又再出發啦

目的地當然係日景而又水漲嘅大鳥居！圈姨都話上次跟團嚟好趕，無乜時間行，今次終於可以睇返夠本啦！😁

 

影夠就真係要走啦，bye bye大鳥居。。

搭船過返去之後，大肥就去接我哋嘅戰友，而小虎當然唔會放過任何可以買嘢食嘅機會啦！今次就揀咗呢間便當~揀穴子飯定廣島蠔飯好呢🤔

 

有選擇困難症嘅小虎今次好快就揀咗。。。穴子拼廣島蠔便當😁便當要趁熱食㗎，不過大肥話仲飽緊，咁唯有我辛苦啲食哂佢啦！

開始今日嘅長征啦，目的地係島根県嘅日御碕灯台，由宮島口去要接近3個鐘車程，辛苦哂大肥啦！

行咗好耐好耐。。。見到個景好靚喎，即刻泊低架車影相先！原來呢度係日御碕海岸。。

 

好快就到灯台啦，其實無乜嘢睇㗎，不過風景好靚咁囉😌

 

跟住去出雲大社，先去食個蕎麥麵

   

呢個麵幾好味，不過大肥同圈叔叫嘅湯蕎麥麵就。。。所以大肥一出舖頭就要搵嘢食啦！

行咗一陣見到有間pancake店，好不自覺咁就行咗入去坐低啦。。

今次真係去出雲大社啦！不過維修緊。。。

 

行完就去玉造溫泉啦，今晚會住出雲神緣結之宿紺家，一入去就有個姨姨招呼我哋，仲同我哋講佢早排都去過香港，因為個女嫁咗個香港人咁話喎。。。俾我就寧願做日本人啦😩本來個姨姨俾呢份茶點我哋嗰時，我哋都諗住菓子會好甜所以無打算食，不過姨姨就係咁叫我哋食。。好啦，又試吓你啦！試落都唔錯噃，不過又唔會想繼續食多條咁囉。。

 

本來想去宍道湖睇日落㗎，不過似乎趕唔切啦。。點知就喺揸車去附近間Aeon Mall時睇到喎🤗🤗

夠鐘食晚飯，今日都係一泊兩食，所以係酒店食