2015 岡山後樂園、廣島海中大鳥居、島根出雲大社自駕7天~Day 1(関西空港＞鉄人28＞瑪林匹亞神戶Outlet＞心齋橋)

要飛啦~搭早機好辛苦呀。。訓到半夜就要起身，仲要驚唔知醒添！上機要差返陣電先~

有飛機餐，不過上機前都已經食咗早餐lu

就到啦！

落機第一時間行過去Toyota攞車，喺香港都問過可唔可以換車㗎，不過JAL話無得改，Toyota就話無得by email改。。點知去到個職員話無車所以無得改😩不過佢知我地4人4喼之後都話架Ractis可以放得哂喎。。而租多一日就當然無問題，仲可以租埋ETC添！

最後個結果係，無論點砌，車尾都放唔到4個喼。。。唯有將其中一個放喺乘客位，圈叔圈姨要迫少少啦😓😓搞掂啲行李就出發去第一個景點--神户嘅鉄人28，泊返係上次嗰個停車場就上去探肥8啦！無見2年都無變過噃😁

之後去垂水區嗰邊嘅三井outlet，喺呢度仲可以望到明石海峽大橋添！過咗橋另一邊就係淡路島啦。。。好掛住上次喺SA食嗰碗魚生飯呀！

行夠就返大阪啦，今晚住心齋橋，放低啲嘢先去影吓固力果。轉咗樣之後都無嚟過呀！

跟住就去牛角食燒肉放題，呢餐最主要係慶祝圈叔嘅生日㗎，雖然遲咗一日😓😓

飽飽就返酒店啦！咁就過咗一日，唔係凌晨機啲時間真係好唔見駛！