2015 岡山後樂園、廣島海中大鳥居、島根出雲大社自駕7天~Day 3(廣島新天地＞平和記念公園＞宮島)

酒店包咗自助早餐，食飽飽就出發去廣島啦！途經一間大超市，入去買定啲生果今晚去宮島做宵夜先！有得試食奇異果呀，仲要係切開半個俾你試，仲要送埋嗰隻喺香港唔知要買夠幾多個先送一隻嘅匙羹。。。日本人會唔會太有心呀。。

到咗今日第一站--廣島新天地！嚟呢度就係為咗食廣島燒，之前圈叔已經揀好咗一間元祖級嘅舖頭啦，咁等大肥泊好車就一齊去廣島燒嗰幢樓度搵啦。。

搵極都搵唔到間元祖級嘅？唯有問人啦，一問就樣衰咗，原來元祖級唔係喺嗰幢樓度，而係喺頭先等大肥泊車嗰度。。。即係話，我哋就係企咗係間元祖級嘅門口度等大肥囉😓。。

就係呢間。。


我哋嗰3個廣島燒要整啦。。。

 

有得食！

 

其實同大阪燒差唔多，係多咗麵同烏冬，不過都幾好食！

之後就出發去平和記念公園。

嚟到呢度，無特別覺得沉重，但都好自然咁收起咗旅行興奮嘅心情。。。

   

戰爭，喺我哋呢個年代，喺依家嘅香港，相信都唔係需要擔心嘅問題。只有真正經歷過嘅人，先會知道戰爭嘅可怕。。。

和平真係好重要！離開公園就要出發去重點行程--宮島，出發前睇過網友講話宮島啲路好窄，唔建議揸車過去，所以我哋就喺碼頭附近搵個停車場，個叔叔知道我哋架車要泊過夜之後就好落力咁帶我哋去另一個場。。。

安頓好我哋嘅戰友，就返過去買飛上船啦，今次我哋揀咗JR，話係行近啲大鳥居喎。

  

上船啦！睇吓風景影吓相。。

  

話咁快就到。仲有小鹿迎接我哋添~

 

今晚我哋會住錦水別莊，喺正碼頭對面，所以先去攞房放低啲行李，跟住就即刻出發啦！沿路有好多小鹿呀

日本三景。。要入去啦~

食個蠔飯團先！

大鳥居呀！啲水退咗，可以行出去㗎！

   

真係好有氣勢，行咗好耐，影到唔捨得走呀！

去埋嚴島神社

跟住就開始掃街啦😋😋有燒廣島蠔配尾道檸檬

 

牛肉包包

 

炸楓葉饅頭

返酒店抖陣就食晚飯啦~

    

 

食飽飽當然就事不宜遲，再去大鳥居睇夜景啦！

頭先行出去嗰度已經俾水浸哂啦，不過又係另一個景色

啲水仲浸哂上嚴島神社添。。。

 

又影咗好耐就返酒店啦，路經見到下午搵唔到嘅大飯杓

小鹿仲唔去訓覺

我哋住嘅酒店~唔錯㗎！

咁就過咗滿足的一天啦~