2016 四國、小豆島8天自駕遊~Day 5(金刀比羅宮＞高松YouMe Town＞丸龜町商店街＞一鶴骨付鳥)

喺酒店食早早~都係自助餐，唔少款㗎！

  

仲有釜飯同燒魚~

準時八點半又出發啦~等大肥揸車過嚟上行李時影返間酒店先~

本來今日嘅行程係去龜老山展望台同燒海鮮嘅，不過諗諗下，我哋都睇過明石橋同嗚門橋啦，又食過海女料理。。所以就決定直接向香川縣出發！

去金刀比羅宮中途經過石鎚山SA，當然入去八下啦~好多野賣呀！因為我哋諗住將會離開愛媛，所以最後衝刺買多啲手信，本來買好哂預備繼續出發，圈姨突然話原來呢度有得免税喎！即刻又入去問吓俾哂錢仲可唔可以退税啦，點知又得噃，不過要麻煩人哋再重新入機囉。。。真係有啲唔好意思。。

然後又去另一個休息站行個圈。。

落咗高速，見到老麥喎，又試吓新嘅月見系列先

好似差唔多到金刀比羅宮啦

泊好車就起行啦~先見到中野烏冬學校，不過我哋無打算整烏冬

 

然後見到一間似曾相識嘅舖頭。。原來賣勾玉㗎！上次去島根見好多~

開始上樓梯啦，原本打算上七百幾級去到本宮就夠，點知。。。。。


上到100級啦~

到第168級大肥已經放棄啦。。。之後我哋3人行，去到大門

 

回頭望吓琴平市


入去五人百姓。。。

 

小虎滴汗滴到缺水咁滯，係時候放棄啦，下次有機會先再試啦😓😓，返轉頭接返大肥就去食烏冬，揀咗網友介紹小丸子一家都嚟嘅呢間！

 

熱到咁，個冰烏龍當然係我㗎啦！

  

 

之後想去搵整小車票木牌嗰間名前工房啦，睇地圖先知原來都係喺表參道，但來來回回咁行都唔見嘅。。。後來問information先知原來摺咗😱。。算啦！出發去高松YouMe Town~

呢間嘢真係好大，不過買唔啱宵夜囉。。行咗陣就返酒店啦，今晚住高松市嘅大和魯內酒店，亦即係同第一晚德島嗰間一樣，係正丸龜商店街樓上，夠哂方便！

 

商店街好長架，圍住酒店附近都係

 

棵樹巧令呀

呢條街都幾旺噃


又有馬肉食。。大肥，我影張相啫，都無話要食😁


經過好多網友介紹嘅大山牧場，當然要去試吓啦。。。不過似乎唔多啱我口味😓😓
 

行去三越。。。樓下嘅生鮮食品部買好宵夜，返酒店放低後就出發去食高松名物。。骨付鳥！我哋揀咗去有點名氣嘅一鶴~

等咗一陣就有位啦，嚟呢度都係食大雞脾啫，不過有得揀老雞定嫩雞，圈叔同大肥仲喺度講話要嫩口喎。。。。隔離嗰枱都係香港人嚟㗎，人哋識聽㗎，真係吖！


第一次同大肥踫杯喎。。


有得食！4隻大雞脾加3碗飯，大滿足！雞脾略嫌咸咗少少啦，不過都好味嘅！

 

飽飽就慢慢行返酒店，抖陣就食宵夜啦~呢2杯甜品好好味，臨收檔前賣千零円有3杯真係好抵！

當然唔少得宵夜必備嘅刺身啦~

話咁快就第五日lu，今日好似都唔係好充實咁嘅🤔🤔聽日出發去圈姨好想去嘅小豆島啦，圈姨，你凖備好未？