2017 草津、伊香保、鬼怒川8天自駕遊~Day 8

新宿 > 成田山 > 成田空港

Morning~哥斯拉

因為今日下午機，所以好早就出發去成田山啦！早餐就睇吓邊度有道之駅先解決啦~今日都有好天氣呀！其實除咗草津落雪嗰日，其他日子天氣都唔錯，真好☺️

沿途到有啲塞車，所以都用咗唔少時間先到成田山😑泊好車就沿路行去搵鰻魚飯食😋呢度好古色古香，早知落機就嚟呢度，唔去佐原水鄉啦😩

成田山一粒丸，好似好勁噃

因為虎爸同大肥都唔食鰻魚，所以我哋無去到好出名嘅鰻魚店食飯，反而搵咗呢間，又有豬扒飯又有鰻魚飯嘅餐廳！

大肥要咗天婦羅丼

我哋要咗鰻魚飯😋😋

飽飽就出去行街lu。。燒鰻魚好香呢~

呢度好有懷舊feel呀！

個路牌好特別呀

今次唔夠時間去新勝寺呀😩下次一定要再嚟😁

過去Aeon買多少少嘢，就要趕住還車啦！因為唔係機場還車，所以要再搭接駁車去機場~好耐無試過咁趕啦😅😅

遲咗十分鐘先可以上機


訓醒一覺都未起飛，原來仲排緊隊😑終於排咗成個鐘先到我哋😓再訓醒一覺又到食飯，今次揀咗蟹肉飯，仲有一塊煙三文魚😋不過最好味係大福餅😋😋😋

就快返到啦

攞埋行李，今次旅程又圓滿結束啦~

下個旅程會係8月去東北追祭。。唔知今年仲有無時間去多次旅行呢🤔

2017 草津、伊香保、鬼怒川8天自駕遊~Day 7

鬼怒川 > 楯岩吊橋 > 上野 > 新宿

今日本來打算去日光東照宮㗎，不過想早啲返落東京，所以最後決定放棄呢個行程，由鬼怒川出發直接去新宿！

喺酒店食過早早

就去酒店後面嘅楯岩大吊橋行吓

鬼怒川~

條橋唔算好長，不過我哋都係行咗一半就返轉頭啦！因為真係好很大風，吹到頭都甩😑😑

補個酒店日景，呢間酒店真係幾好~

酒店出發去鬼怒川溫泉駅兜咗個圈就開始返落新宿，仲記得虎媽話要買味噌，但幾日嚟都無經過土產店，就喺虎哥提起如果經過土產店就要停嘅時候，就見到有個青空市場✌🏻

真係賣土產㗎！

仲咁啱遇到孔雀開屏添☺️

虎媽入夠貨又再出發啦！行行吓大肥有個好醒嘅提議，就係可以一齊去咗上野先，咁買咗野都可以車埋返酒店，唔駛拎住咁辛苦！所以搵個道之駅停低set過GPS先再行~

返到東京都啦😔😔

仲記得出發前睇過應該返到東京可以睇到櫻花，所以去上野公園泊好車就即刻入去搵。。最後俾我哋喺公園內搵到一棵未開得哂嘅🌸🌸

然後行返去門口又見到一棵開哂嘅。。仲好似假假哋添🤐🤐

跟住就同大肥去醫肚啦！午餐喺好抵食嘅大江户解決~

有我至愛嘅鮟康魚肝😍😋

仲有繼雞刺後另一樣好想好想好想試嘅馬刺壽司~

然後喺上野行咗個圈，買夠零食就返酒店check in啦！突然見到個GPS有呢7日嚟最清晰嘅指示😑😑

今晚住哥斯拉酒店

為咗方便執行李，所以book咗間大啲嘅房，好似24平方米。。估唔到真係好大間，起碼比起平時住開嗰啲大好多，開哂2個喼仲有路行！呢隻房型有2張大床，唔駛爭被冚~

洗面盤、浴室、廁所分開嘅，好似溫泉旅館咁

個浴室仲好大添~

下次都要住呢間，真係好舒適☺️☺️！放低行李又再出發，先去泊好架車！不過虎哥架車高得滯，要泊隔離場！而我哋嗰架就可以泊入酒店停車場~搞掂就搭JR去中野！一出站行過商店街就到中野百老匯啦~

無收穫就到下一站~涉谷！有孖寶賽車呀！

去到目的地~涉谷Gallery！

之後再去BApe！

跟住就返新宿，離遠都知酒店喺邊呢~

本來今餐想食蟹㗎，不過蟹道樂又無位，搵酒店幫手book咗另一間餐廳，佢話淨係得散叫無套餐。。初頭無為意，後來先知套餐先有蟹，而散叫係無嘅。。所以返到新宿先去餐廳同佢講取消，然後改去牛角食放題

扇貝好味😋👍🏻

食飽飽就返酒店啦，最後一晚，要好好執行李😔😔