2017 草津、伊香保、鬼怒川8天自駕遊~Day 2

木更津 > 鎌倉小町通 > 鎌倉大佛 > 箱根

今朝酒店包咗早早，當然要好好嘆埋先出發啦~燒賣好味😋👍🏻

呢間就係尋晚住嘅酒店，臨走先記得喺車度補影返😓

今日都有好天氣呀✌

第一站係去鎌倉，中途經過東京灣跨海大橋，我哋先去PA個展望台~

呢個PA其實都大，有好多野賣，又有好多野食，不過要趕路上鎌倉，所以唔係留咗好耐就走啦。。沿途行吓塞吓，都用咗唔少時間先去到鎌倉！先到鶴岡八幡宮。。個鳥居

然後入去小町通。。好多人呀！

見到呢個糕好似好好味。。結論係。。一試無妨

鎌倉駅

小虎鐘意嘅，除咗水車外，應該就係鳥居😁

跟住就去鎌倉大佛！日本三連休嘅威力真係好強，短短10分鐘嘅車程塞咗成30分鐘先到😩😩我哋好好彩搵到個位泊車，但虎哥無位泊車之餘又返唔到轉頭搵我哋呢。。。最後佢哋決定取消埋江之島行程，直奔箱根！而我哋就去睇完大佛再趕去小田原同佢哋會合！

入到去。。又係一大堆人😖淨係排隊買飛都唔知轉咗幾多彎。。遙望過就算啦，下次閒日再嚟，應該會好啲吧😞

又係行吓塞吓。。路過江之島時又見到無盡頭嘅車龍，突然覺得放棄佢真係一個非常正確嘅決定。。。又繼續行吓塞吓，正當問緊虎哥去到邊嘅時候，大肥突然喺隔離叫咗句~佢哋架車呀。。。乜我哋有行得咁快咩？咁都追到🤔🤔終於喺最近嘅道之駅會合啦~餓死小虎，快啲開飯！

講返出嚟先知道，原來佢哋沿途都無停過車，只不過又係行吓塞吓，最後都真係唔知點解會追到佢哋。。。

飽飽又繼續出發去箱根，中途喺小田原間超市入咗啲貨今晚宵夜，然後又係行吓塞吓。。。由日出塞到日落。。。

終於喺6點半趕到今晚住嘅蘆之湖一之湯！放低啲行李抖咗陣就食晚飯啦！有得打爐~✌🏻✌🏻✌🏻

舊豆腐仲係咁好味😋

仲有刺身船

仲有另外預訂嘅汁煮金目鯛~

今日太晏先嚟到，所以約唔到早啲嘅貸切風呂。。幫虎媽book咗10點，而我同虎哥2間房就只係約到11:40。。我仲好似貼錯虎哥個房號，差啲搞到佢哋無得浸😓😓

虎媽之前唔敢去大浴場，所以特登嚟呢度住，等佢可以試吓浸溫泉呢~佢哋浸完就先食宵夜😋


夠鐘到我哋啦~雖然個池細細，但天氣涷涷咁浸露天風呂真係好舒服☺️

今日花咗好多時間塞車呀😩聽日最後一日假期，應該會好多人返東京添呀。。