2017 草津、伊香保、鬼怒川8天自駕遊~Day 6

伊香保溫泉 > 水沢觀音 > 佐野outlet > 宇都宮 > 鬼怒川

食飽早早就出發啦~尋晚就係住呢間大江户溫泉物語伊香保！

出發去水沢觀音

話咁快就到

停車場旁邊仲有個大檔攤，賣士產蔬果呢

沿途行入去，無乜人，超寧靜！

 

六角堂

尋日唔打算嚟係因為見到呢條長樓梯，今日會嚟係因為尋日返伊香保嗰時見到有個大停車場，唔駛行樓梯都可以嚟到😓😓

影得唔靚，但造得好靚嘅景😓

又再出發啦，因為唔想再行雪地，怕虎爸又嗌返轉頭，所以揀咗繞過赤城山上鬼怒川，中間先去佐野outlet，由水沢過嚟都要成2個鐘😔

可能因為閒日，個outlet都無乜人，超好行，但無野買

 

有可麗餅呀😍😍不過未開😑😑

離開outlet就去宇都宮食餃子。本來想聽日先嚟㗎，不過虎哥話聽日太早唔啱時間，又好似係噃🤔🤔

虎哥上次揀咗餃子館，評價係。。不外如是😓😓所以今次試另一間。。典滿餃子！

 

我同大肥叫咗個餐，再加咗個水餃同炸雞，煎烚炸嘅餃都試過哂✌🏻✌🏻

本來之後想去日光東照宮㗎，但係睇睇時間，好似趕得到上去都閂門，咁就留返聽日去啦，附近又無乜野行，所以就唔再行高速，改行國道上鬼怒川啦！


經過超級市場，當然要買定宵夜！

一落車嗰時已經覺得好香，原來門口有串燒車😋

返到酒店lu，check in時個職員話叫我哋最好5:30就去食晚餐，因為晏啲會好多人噃！咁又聽佢話啦，放低行李抖陣就去食飯lu~有好多野食架😋😋沙律刺身

 

小食

熱盤

 

個蒸豬肉好特別呢

夜晚出去小7買啲小吃又返去嘆過~今晚住鬼怒川陽光飯店

今晚好涷呀，出去買啲野都要著褸！虎爸仲懶醒著件風褸就出去，涷到震呀😂😂聽日返東京啦😔咁就過咗6日😩