2017 草津、伊香保、鬼怒川8天自駕遊~Day 3

箱根 > 箱根湯本駅 > 三島Sky Walk >  忍野八海 > 相模湖燈祭

就係痴錯房號落呢個牌啦！尋晚差啲搞到虎哥無得浸貸切風呂😓

一出門口。。嘩！涷咗咁多嘅😖車頂都結咗層霜呀！

舊地重遊~唔止間旅館無變，連隔離個地盤都無變😂😂

涷到腳趾都冰咗，快啲去食早早先得😋啲野好味呀！

尋日塞咗成日車，而今日又要早啲去到相模湖渡假村視察環境同去買燒烤材料，所以要早啲出發爭取多啲時間💪🏻💪🏻好期待今晚嘅燒烤呀！

今日第一站先去隔離蘆之湖~

之後出發去箱根湯本駅！比起香港唔涷嘅冬天，呢度天氣真係好好呀！😁😁

好難得先泊到架車。。可以血拼啦！仲記得上次嚟買咗呢個餅餅，一接轉手就跌咗落地😓今次要再食，熱辣辣好好味呀😋

再去菜之花買牛油銅鑼燒同栗子餅~

下一站就去三島Sky Walk~好多車呀😖

買好飛就入場，唔知見唔見到富士山呢？😁😁雖然蒙蒙地，但都見到啲呀~

啲樹勁高。。

今日好大風，一路行條橋一路擺。。要快步行過對面呀！


嚟個全景先

真正美食車，啲嘢好似好好味😋

離開Sky Walk就出發去忍野八海啦！去到山梨縣，富士山都大咗清楚咗🤣🤣

途中去咗一間主打大海老嘅和食餐廳食晏，大肥個豬扒餐好似好好味😋

但點解我個湯烏冬會係咁😩啲烏冬好硬，呢種硬法並唔係超級煙韌嗰種，係食多2條都會胃痛嘅硬，而個湯又帶酸。。。呢餐真係食日本嘢極罕見嘅唔啱口味😭😭

頭先喺高速已經見到返東京方向嘅IC好多都涉滯，所以去到忍野八海要試一試GPS話要幾耐先到相模湖，結果係。。2個半鐘！所以喺忍野八海逗留時間唔可以太長，如果唔係今晚就買唔到和牛燒烤啦！可能呢度真係旅遊區，感覺同白川鄉一樣。。。。好彩都有個靚景拍個照😑

富士山嘅雪水。。

其實呢度真係好靚，如果可以多一份寧靜嘅。。
 

啲水超清

又要趕路啦，虎哥個GPS話1個鐘頭鬆啲就到啦，唔通IC通返車🤔咁梗係即刻衝住去啦！點知。。。竟然行到咁上下時見到個GPS紅哂😩

最後我哋決定由大月個出口落高速，然後經國道去相模湖。。最後又再次塞吓行吓，加埋map神指示條唔塞車嘅小路。。終於都去到渡假村啦，不過由個天仲光光地嘅時候開始辦手續攞房，到搞掂哂出嚟時已經天黑啦😞好彩我哋架車可以泊喺住嗰架旅行車隔離，咁就方便好多啦！

架旅行車又唔錯喎，有梳化同餐枱

廚房

上下格床

獨立浴室廁所

雙人床

仲有雜物櫃，不過第二朝先記得補影，所以後面張床有點亂😓

參觀完示範單位，係時候拿臨出去買晚餐lu~由渡假村出發10分鐘左右路程就有間超市啦！雖然唔夠尋日Aeon咁大，不過都好好買😁次次見到咁靚嘅牛肉都買唔到嚟整，今次一定要同佢死過😤

好想買呢半條牛舌呀！

埋單買咗接近萬五円😓。。。買夠又喺時候返渡假村，今日住呢度嘅原因係為咗由600萬棵燈組成嘅相模湖燈祭~返去放低啲晚餐又再出發去遊園區！因為喺度住嘅關係，所以唔駛俾入場費✌

入園要先撐上呢條長樓梯

一入到去就見到個大花園啦

聖誕樹？

順路行，巧多燈呢😍
 
 

好大粒鑽石呀😍😍

行咗半個圈已經好肚餓啦~要快啲返去開餐😋淨返未行哂嘅就下次再嚟啦😁

原來頭先真係掃咗好多嘢食😅😅

本來係打算BBQ㗎，但係攞房嗰時個職員話房外有gas爐可以用喎！不過唔駛透爐都唔錯吖😁最緊要有得食😋仲有虎哥同大肥做大廚添✌🏻

今晚食到好夜，好飽。。唔駛食宵夜lu😋仲淨咗啲嘢聽朝可以叮返熱做早早😓聽日開始就唔再係日本假期啦，希望路況好啲啦🙏🏻🙏🏻