2017 草津、伊香保、鬼怒川8天自駕遊~Day 5

草津溫泉 > 榛名山 > 松島屋 > 人形自動車博物館 > 高崎 > 高根展望台 > 石段街 > 伊香保温泉

一早起身望出去，啲雪無停過不特止，仲大過尋日添呀！

食飽早早當然又要去湯畑影雪景啦

出發啦~成架車都係雪😓唔知個職員揸架車過嚟之前要掃幾耐先有依個效果。。真係辛苦哂佢🙏🏻

啲樹全部都上哂雪，巧靚呀😍

尋日咁大雪個錶板都係顯示0℃，我同大肥仲研究緊係咪0℃己經係最低。。原來真係有零下架😂

離開草津就去榛名山，大肥咁恨嚟呢度就係為咗個五連髮夾彎咋！

遠睇以為呢隻係用雪砌嘅雞，近睇。。誤會咗添😳😳

越上山。。雪越多。。。

因為出太陽，啲雪仲開始溶添，搞到架車都跣跣地呔。。加上一路上嚟只係見到對面一架車落山，所以行到半山時虎爸強烈要求返轉頭。。😣😣不過好彩今晚住伊香保。。大肥，仲有機會去髮夾彎架😉👍🏻

敗走榛名山之後本來打算去高崎市，後來途中睇睇時間，如果之後先再返水沢食午餐就會好晏，既然係咁就先去人形自動車博物館啦~中途買咗個栗子雪糕批，超抵食，只需48円！

然後就去到博物館

Hello肥8

大bear

埋嚟睇埋嚟揀！小虎零食店~

出賣年齡系列。。我細個好鐘意玩嘅公仔紙呀！勁有童年回憶☺️☺️

如果可以借呢架車去行髮夾彎就好啦😂

我發覺。。日本好多景點都有呢啲鐘，而好多呢啲鐘都係戀人之鐘。。。

到依家都唔知呢啲朱力力真定假😑

午飯時間，當然要試水沢烏冬啦！今次揀咗松島屋，無他嘅。。貪佢有豚肉烏冬揀，虎爸啱食嗎😁

全日文菜單😓唔translate吓都唔得。。雖然translate完都唔見得明多咗

 

不過同想像嘅差別都唔大😅😅呢個係舞茸天配湯烏冬

豚肉湯烏冬

豚肉泡菜湯烏冬

仲有小虎嘅舞茸天烏冬配4款醬汁😋好味

小虎食哂成份都已經好飽，點解虎嫂可以食得哂呢份舞茸天烏冬加5款醬汁配飯😓😓果然真人不露相👍🏻

繼續出發~

去到高崎。。。Aeon😓當然又係買宵夜嘅時間~車厘茄好靚呀，咁多隻色😍不過我唔食嘅。。。

返到伊香保lu~

第一時間去酒店check-in，因為要趕喺天仲光嘅時候再戰秋名山。。。五連髮夾彎同我哋好近，酒店出嚟轉個彎已經係秋名山啦~

今次條路係有雪，但唔跣噃~

好快上到高根展望台

 

得我哋喺度咋~

呢度好涷呀！所以影咗陣相就走啦~跟住要去石段街

 

好似好高噃

365級，上次喺金刀比羅宮都行到啦~

呢度超靜，啲舖頭都閂哂咁滯

最後。。上到100級就放棄啦😓😓

留個倩影，到此一遊。。

返到酒店休息一陣就食晚餐lu，今晚又有自助餐😋甜品都唔少噃

刺身好味😋😋

熱盤都好多選擇呢

 

又係好滿足嘅一餐~所以今晚宵夜都係食咗少少咋。。飽飽就去賣店行個圈～

咁就過咗5日啦，聽日去鬼怒川仲未決定行山上定山下，要好好研究吓🤔🤔