2018 稚內、知床、十勝川溫泉11天自駕遊~Day 10
札幌中島公園、札幌競馬場、場外市場、北海道神宮 酒店包咗早早，當然要食飽先出發啦。都幾多嘢食㗎，有沙律🥗 仲有好多熱盤 今日第一站就係去中島公園嘅市集😁圍住公園外圍兜咗個圈，再實地探過路，咁就搵到啦 雖然唔係有好多檔，但虎媽都已經大豐收😓用左一千円唔夠，就買左成10隻碟5隻碗。。好似都唔止🤔🤔買夠就去下一站啦！ 大通公園~ 原先無打算嚟㗎，不過經過見到好似有活動，當然又嚟八吓 唔止熱鬧。。仲好熱添😰😰呢杯珍珠焦糖奶。。應該無茶😁真係好香吖😋😋 補多張電視塔🗼又要起程啦 經過札幌駅 去到大肥好鐘意嘅札幌競馬場 好似好大咁 亮相圈 賽道 我覺得呢張影得好靚😂😂 下一站場外市場！ 當然又係食晏嘅時候啦😋😋 有得食啦！ 然後買定個夕張密瓜聽日帶返香港 跟住就去到一個好重要嘅地方。。札幌中央郵便局😂😂虎媽頭先買得興起嘅碗碟太重啦，唯有直接寄返香港啦！不過一千円唔駛嘅貨。。寄船運費要五千幾円😓😓 之後去北海道神宮😃排長龍入停車場，虎哥邊有心機等吖😞唯有去留個倩影到此一遊就算 留完倩影，好快就去到Aeon 買完嘢就要去還車啦😑😑呢十日辛苦哂🙇🏼♂️ 行咗差唔多二千公里 架車泊呢度 然後去呢度還車 路橋費。。平過買HEP 又再返到札幌駅 地下街。。。有新嘢噃😋😋 慢慢行到返酒店就開餐啦！今晚食buffet~ 有得打爐 有熱盤 仲有關東煮🍢 最後一晚啦，大肥今晚唔肯同我去食宵夜呀😭😭